សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ បេីយោងតាមប្រភពព័ត៌មានពីស្នងការដ្ឋាននគរបាលខេត្តព្រះសីហនុ បានឱ្យដឹងនៅព្រឹកថ្ងៃពុធទី០៦ ខែមេសា ឆ្នាំ២០២២នេះកម្លាំងជំនាញនៃអធិការដ្ឋាននគរបាលស្រុកព្រៃនប់ បានឃាត់ខ្លួនជនសង្ស័យចំនួន ២នាក់ ខណៈដែលពួកគេនាំគ្នាទៅលួចអាគុយអេស្ការវ៉ាទ័រ ម្ចាស់ទុកចោលនៅតាមផ្លូវ។
ប្រភពដដែលបន្តថា ករណីឃាត់ខ្លួនជនសង្ស័យចំនួន០២នាក់ ពាក់ព័ន្ធនឹងករណីលួច(លួចអាគុយ) វេលាម៉ោង១៣និង០០នាទីថ្ងៃទី០៥ ខែមេសាម្សិលមិញនេះ ស្ថិតនៅចំណុចផ្លូវចូលសាលាហ្វឹកហ្វឺនមូលដ្ឋានសមុទ្ររាម ក្នុងភូមិអុង ឃុំរាម ស្រុកព្រៃនប់ ខេត្តព្រះសីហនុ ។
ជនសង្ស័យទាំង០២នាក់មានឈ្មោះ ៖
១-ឈ្មោះ សុិន ចាន់តារា ភេទ ប្រុស អាយុ១៩ឆ្នាំ មុខរបរបើកបរ មានទីលំនៅភូមិ ឃុំចំណុចកើតហេតុ ។
២-ឈ្មោះ នឹម សំរ៉ុង ភេទ ប្រុស អាយុ ១៦ ឆ្នាំ មុខរបរ បើកបរ មានទីលំនៅភូមិ ឃុំចំណុចកើតហេតុ ។ បានធ្វើសកម្មភាពលួចអាគុយចំនួន០២(ទំហំ៧០អំពែ)ពីគ្រឿងចក្រអេស្ការវ៉ាទ័ររបស់ក្រសួងសាធាណការខេត្តព្រះសីហនុ ។ ខណៈពេលតៃកុងបានទុកអេស្ការវ៉ាទ័រនៅតាមផ្លូវកំពុងសាងសង់ពេលយប់ពុំមានអ្នកយាមហើយជនសង្ស័យបានដោះយកអាគុយតែម្ដង។ បន្ទាប់ពីធ្វើសកម្មភាពរួច យើងបានធ្វើការស្រាវជ្រាវ និងសហការជាមួយកម្លាំងយោធាមូលដ្ឋានរាមឃាត់ខ្លួនជនសង្ស័យទាំងពីរនាក់តែម្ដង ។ បច្ចុប្បន្នកម្លាំងជំនាញកំពុងកសាងសំណុំរឿងតាមនីតិវិធី និងចាត់ការតាមផ្លូវច្បាប់ ៕
ដោយ៖អារុណរះ
