សារព័ត៌មាន នគរវត្ត តែងតែនាំមុខគេជានិច្ច
ប្រទេសថៃ ៖ កម្លាំងសមត្ថកិច្ចថៃនៅតាមបន្ទាត់ព្រំដែនប្រាប់ថាកាលពីវេលាម៉ោង១៣និង០០នាទីរសៀល ថ្ងៃទី២៨មេសា២០២២ កម្លាំងទាហានប្រាណទី១២ សហការជាមួយកម្លាំងចំពោះកិច្ច១១១កម្លាំងនគបាលខ្លងលឹក អាជ្ញាធរឃុំប៉ារ៉ៃ ចុះល្បាតក្នុងភូមិសាស្រ្តទទួលខុសត្រូវ បានប្រទះឃើញមនុស្សគួរឲ្យសង្ស័យធ្វើដំណើរតាមច្រករបៀង សំដៅមកប្រទេសថៃចំនួន៣៤នាក់ ក្នុងនោះប្រុស១៧ ស្រី១៣ ក្មេងប្រុសម្នាក់ និងក្មេងស្រី៣នាក់ នៅបរិវេណបង្គោលគីឡូម៉ែត្ររវាងចំណុចត្រួតពិនិត្យ អ.០១-០២ ភូមិម៉ៃឌីង៉ាម ឃុំប៉ារ៉ៃ ស្រុកអារញ្ញ ខេត្តស្រះកែវ ។ ក្រោយពីចាប់ឃុំ សមត្ថកិច្ចថៃបានចូលទៅត្រួតពិនិត្យតាមនីតិវិធី ស្ទង់កម្ដៅរាងកាយឃើញថាធម្មតា មិនមានឯកសារធ្វើដំណើរ និងមិនមានឯកសារបញ្ជីជាពលករនៅក្នុងរាជាណាចក្រថៃ និងនៅពេលសួរនាំបានឲ្យដឹងថា ពលរដ្ឋខ្មែរខាងលើធ្វើដំណើរមកពីខេត្តកំពង់ធំ,ព្រៃវែង,ស្វាយរៀង,ឧត្តមានជ័យ និងខេត្តបន្ទាយមានជ័យ ព្យាយាមលួចឆ្លងដែនចូលមកប្រទេសថៃ ដើម្បីទៅធ្វើការនៅក្រុងបាងកក,សមុទ្រប្រាកាន,ណៈខន ប៉ះធុម,ឈុនបុរី,ចះឆឺងសៅ និងខេត្តស្រះកែវ ទើបសមត្ថកិច្ចថៃនាំខ្លួនមកសួរនាំបន្ថែម នៅទីបញ្ជារការកងរយ១២០៦ ព្រមទាំងបញ្ជូនខ្លួនទៅឲ្យជំនាញខ្លងលឹក ដើម្បីចាត់ការតាមច្បាប់បន្ត៕
ដោយ ៖ វណ្ណា
