សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សូមអបអរសាទរដល់ក្រុមបាល់ទាត់បុរសកម្ពុជា រកបានជ័យជម្នះក្នុងប្រកួតបើកឆាកពូល B នៃព្រឹត្តិការណ៍កីឡាស៊ីហ្គេមលើកទី៣១ ឆ្នាំ២០២២ នៅទីក្រុងហាណូយ ប្រទេសវៀតណាម ដោយលទ្ធផល ៤ទល់១ នាល្ងាចថ្ងៃចន្ទ ទី៩ ខែឧសភា ឆ្នាំ២០២២ នេះ។ ការថ្លែងរបស់លោក ស សុខា រដ្ឋលេខាធិការ ក្រសួងអប់រំយុវជននិងកីឡា នៅព្រលប់ថ្ងៃទី៩ ខែឧសភា ឆ្នាំ២០២២ ។
លោក ស សុខា ថ្លែងថា, នេះជាការចាប់ផ្តើមដ៏ល្អមួយ នៅក្នុងពូល ហើយកម្ពុជា យើងនៅមានពេលវេលាវែងឆ្ងាយត្រូវប្រកួតប្រជែង ក្នុងដំណើរទៅដណ្តើមយកមេដាយ ជូនជាតិមាតុភូមិ។
លោកបន្តថា, មិនខុសពីបងប្អូនជនរួមជាតិទេ ខ្ញុំសូមជូនពរឱ្យក្រុមគោព្រៃជំទង់កម្ពុជា ទទួលបានជោគជ័យ ជាបន្តបន្ទាប់សម្រាប់ការប្រកួតដែលនៅសេសសល់ ក្នុងបេសកកម្មប្រចាំតំបន់អាស៊ានមួយនេះ ។
សូមបញ្ជាក់ : ស៊ីហ្គេម! ក្រុមបាល់ទាត់ជម្រើសជាតិកម្ពុជានាំមុខ ២-០ លើក្រុមជម្រើសជាតិឡាវ ក្នុងវគ្គទី១នេះ គ្រាប់បាល់ទី១របស់យើងរកបានដោយ សៀង ចន្ធា គ្រាប់ទី២រកបានដោយការធ្វើឲ្យចូលទីខ្លួនឯងរបស់ឡាវបន្ទាប់ពីការទាត់របស់ សារ ទី។
លទ្ធផលចប់ការប្រកួតវិញ្ញាសាបាល់ទាត់បុរសរវាងក្រុមជម្រើសជាតិកម្ពុជាជាមួយ ឡាវ ក្នុងការប្រកួតកីឡាសុីហ្គេមលើកទី៣១ នៅវៀតណាម គឺកម្ពុជា ៤-១ឡាវ និងផ្សាយបន្តផ្ទាល់លើផេក សហព័ន្ធកីឡាបាល់ទាត់កម្ពុជា “ទាំងអស់គ្នាដេីម្បីកម្ពុជា” ៕
ដោយ ៖ សិលា
