សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់បានធ្វេីសកម្មភាពលួចកាច់សោ.កម៉ូតូមួយគ្រឿងមិនបានសម្រេច ព្រោះម្ចាស់ម៉ូតូឃេីញទាន់ក៏ដេញឃាត់ខ្លួនបានប្រគល់ជូនសមត្ថកិច្ចកាលពីវេលាម៉ោង៤រសៀល ថ្ងៃទី១១ ខែឧសភា ឆ្នាំ២០២២ ស្ថិតនៅភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ។
ជនសង្ស័យឈ្មោះ សេង ទី ភេទប្រុសអាយុ២៥ឆ្នាំ មុខរបរជាងជួសជុលរថយន្តស្នាក់នៅសង្កាត់ផ្សារកណ្តាល ខណ្ឌដូនពេញ។
ចំណែកជនរងគ្រោះឈ្មោះ ខាន់ សី ភេទប្រុស អាយុ២០ឆ្នាំ មុខរបរកម្មកររោងចក្រ ស្នាក់នៅកន្លែងកេីតហេតុ។
ម៉ូតូជនរងគ្រោះម៉ាក ស៊ុយហ្ស៊ុយគីនិច ពណ៌ខ្មៅ ពាក់ស្លាកលេខភ្នំពេញ1BY- 0560 ។
តាមរបាយការណ៍របស់សមត្ថកិច្ចបានឱ្យដឹងថា មុនពេលកេីតហេតុជនរងគ្រោះបានសម្រាកនៅខាងក្នុងបន្ទប់ជួល ដោយទុកម៉ូតូនៅខាងមុខបន្ទប់។ បន្ទាប់មកស្រាប់តែមានជនសង្ស័យម្នាក់មកធ្វេីសកម្មភាពកាច់សោ.កម៉ូតូ ហើយខណៈកំពុងធ្វេីសកម្មភាពស្រាប់តែម្ចាស់ម៉ូតូឃេីញទាន់ក៏ស្ទុះរត់ចេញមកក្រៅដេញឃាត់ជនសង្ស័យបានភ្លាមៗតែម្តង។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌពោធិ៍សែនជ័យ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី៕
ដោយ៖សុខាសែនជ័យ
