សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ កម្លាំងសមត្ថកិច្ចនៃអធិការដ្ឋាននគរបាលស្រុកព្រៃនប់ បានឃាត់ខ្លួនបុរសម្នាក់ ក្រោយរកឃើញគ្រឿងញៀនជាប់នឹងខ្លួន។ នេះបេីយោងតាមប្រភពព័ត៍មានពីស្នងការដ្ឋាននគរបាលខេត្តព្រះសីហនុ បានឱ្យដឹងនៅព្រឹកថ្ងៃសៅរ៍ទី១៤ ខែឧសភា ឆ្នាំ២០២២។
របាយការណ៍ដដែល បានបន្តថា ជនសង្ស័យមានឈ្មោះ ជួន មន ភេទប្រុស អាយុ៣៥ ឆ្នាំ មុខរបរបើកបរ មានទីលំនៅភូមិអូរតាប៉ាង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។
ប្រភពដដែលបន្តថា ដោយមានការដឹកនាំបញ្ជារពីសំណាក់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងជំនាញអធិការដ្ឋាននគរបាលស្រុកព្រៃនប់ កាលពីថ្ងៃទី១៣ ខែឧសភាម្សិលមិញនេះ បានចុះបង្រ្កាបគ្រឿងញៀន០១ករណី ដោយឃាត់ខ្លួនជនសង្ស័យបានម្នាក់ វេលាម៉ោង១៩និង០០នាទីយប់ នៅចំណុចស្ពានអូរតាប៉ាងស្ថិតក្នុងភូមិអូរតាប៉ាង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។
ដកហូតវត្ថុតាងរួមមាន ៖
-ម្សៅក្រាមសថ្លាសង្ស័យសារធាតុញៀនចំនួន០៣ កញ្ចប់ ។
-ទូរស័ព្ទដៃចំនួន ០២គ្រឿង (ម៉ាកOPPOពណ៌ ខ្មៅ និងម៉ាកSAMSUNGពណ៍ប្រផេះ) ។
បច្ចុប្បន្នកម្លាំងជំនាញកំពុងកសាងសំណុំរឿងតាមនីតិវិធី និងចាត់ការតាមផ្លូវច្បាប់ ៕
ដោយ៖សហការី
