សារព័ត៌មាន នគរវត្ត តែងតែនាំមុខគេជានិច្ច
ទីបំផុតសហព័ន្ធបាល់ទាត់នីហ្សេរីយ៉ាបានបញ្ជាក់ពីការតែងតាំងអតីតគ្រូបង្វឹក Porto និង Sporting លោក Jose Peseiro ពីរសប្តាហ៍មុនពេលចាប់ផ្តើមការប្រកួតជម្រុះពានរង្វាន់ Africa Cup of Nations ឆ្នាំ២០២៣។
បុរសសញ្ជាតិព័រទុយហ្គាល់រូបនេះត្រូវបានផ្តល់ដំណឹងថា បានកាន់តួនាទីកាលពីចុងឆ្នាំមុន ហើយនឹងត្រូវទទួលបន្ទុកបន្ទាប់ពីការប្រកួតពានរង្វាន់ Cup of Nations ចុងក្រោយក្នុងប្រទេសកាមេរូនបានបញ្ចប់ក្នុងខែកុម្ភៈ ប៉ុន្តែការតែងតាំងរបស់គាត់ត្រូវបានផ្អាកកំឡុងពេលជជែកគ្នាអំពីលក្ខខណ្ឌនៃកិច្ចសន្យារបស់គាត់។
បុរសវ័យ៦២ឆ្នាំដែលធ្លាប់ដឹកនាំក្រុមវេណេស៊ុយអេឡារហូតដល់ខែសីហាឆ្នាំមុន នឹងត្រូវដឹកនាំក្រុមប្រកួតមិត្តភាពជាមួយម៉ិកស៊ិក នៅ(ថ្ងៃទី២៨ ឧសភា) និងប៉ះអេក្វាឌ័រ (ថ្ងៃទី២ ខែមិថុនា) មុនពេលចាប់ផ្តើមប្រកួតវគ្គជម្រុះ Cup of Nations ដែលជាកន្លែងដែល ពួកគេជួបប្រទេសសៀរ៉ាឡេអូន (ថ្ងៃទី៩ខែមិថុនា) និងប្រទេសម៉ូរីស (ថ្ងៃទី១៣ ខែមិថុនា)។
សហព័ន្ធកីឡាបាល់ទាត់នីហ្សេរីយ៉ាបានបញ្ជាក់ពីការតែងតាំងលោក Peseiro កាលពីថ្ងៃចន្ទ ប៉ុន្តែមិនបានផ្តល់ព័ត៌មានលម្អិតបន្ថែមឡើយ លើកលែងតែប្រកាសថា គាត់នឹងត្រូវបានជួយដោយអតីតខ្សែបម្រើនីហ្សេរីយ៉ា Finidi George ។
ក្រុមនីហ្សេរីយ៉ាបានឈានដល់ជុំទី២នៃវគ្គផ្តាច់ព្រ័ត្រទ្វីបនៅប្រទេសកាមេរូន ប៉ុន្តែត្រូវចាញ់ដោយគ្រាប់បាល់ក្រៅដីក្រោមថ្វីជើងហ្គាណាក្នុងខែមីនាក្នុងវគ្គជម្រុះទី៣សម្រាប់ការប្រកួតបាល់ទាត់ពិភពលោកនៅឆ្នាំនេះនៅប្រទេសកាតា។ លោក Augustine Eguavoen គឺជាគ្រូបង្វឹកសម្រាប់ការប្រកួតទាំង២នេះ ប៉ុន្តែត្រូវបានបណ្តេញចេញបន្ទាប់ពីបរាជ័យចុងក្រោយ ៕
ដោយ៖ ភារៈ(រូបភាព ៖ Reuters/CNA)
