សារព័ត៌មាន នគរវត្ត តែងតែនាំមុខគេជានិច្ច
ប្រទេសថៃ៖ ពលរដ្ឋខ្មែរ២នាក់និងជនជាតិថៃម្នាក់ដែលបានរត់ពន្ធបារីឆ្លងដែនត្រូវសមត្ថកិច្ចថៃឃាត់ខ្លួនកាលពីវេលាម៉ោង១៥និង៣០នាទីថ្ងៃទី១៨ ខែឧសភា ឆ្នាំ២០២២ ។
សមត្ថកិច្ចតាមបន្ទាត់ព្រំដែនបានប្រាប់ថា អាជ្ញាធរថៃបានប្រទះឃើញរថយន្តគួរឲ្យសង្ស័យម៉ាកអុីស៊ុហ៊្សុយ ពណ៌ខ្មៅ ពាក់ស្លាកលេខ យ៉ថ៨៦១២ នគររាជសីមា ស្ថិតក្នុងចំណុចខៅឡាក់ឆាង ឃុំតាប្រាយ៉ា ស្រុកតាប្រាយ៉ា ខេត្តស្រះកែវ។
តាមការស៊ើបអង្កេតបានរកឃើញថា ជនជាតិថៃម្នាក់និងខ្មែរ២នាក់កាន់បាវពណ៌ក្រហមដែលមានបារីគេចពន្ធចំនួន ២៤០សុងនៅខាងក្រោយរថយន្តភីកអាប់។
តាមការសាកសួរម្ចាស់រថយន្តបានឱ្យដឹងថា មានគេជួលជនជាតិខ្មែររូបនេះឱ្យយកបារីនៅព្រំដែនបញ្ជូនទៅ Khao Luk Chang ឃុំតាប្រាយ៉ា ស្រុកតាប្រាយ៉ា ខេត្តស្រះកែវ។
ប្រភពបញ្ជាក់ថា សមត្ថកិច្ចបានឃាត់ខ្លួននុងវត្ថុតាងទាំងអស់បញ្ជូនមកកាន់ប៉ុស្តិ៍នគរបាលតាប្រាយដើម្បីចាត់ការបន្តតាមផ្លូវច្បាប់។
ចំពោះហេតុការខាងលើនេះអ្នកសារព័ត៌មានមិនទាន់បានទទួលព័ត៌មានពីមន្ត្រីកុងសុលប្រចាំខេត្តស្រះកែវ(ថៃ)នៅឡើយទេ ព្រោះមិនមានលេខទំនាក់ទំនង៕
ដោយ ៖ វណ្ណា
