សារព័ត៌មាន នគរវត្ត តែងតែនាំមុខគេជានិច្ច
បញ្ជីឈ្មោះរបស់ទស្សនាវដ្តី Forbes ចុងក្រោយបំផុតត្រូវបានបង្ហាញហើយកីឡាករ Conor McGregor ត្រូវបានធ្លាក់ចេញពីតំណែងជាអត្តពលិកដែលមានប្រាក់ខែច្រើនជាងគេលើពិភពលោក ជំនួសដោយកីឡាករបាល់ទាត់ Lionel Messi។ តាមពិតទៅអ្នកប្រដាល់ MMA Conor McGregor ពេលនេះលែងស្ថិតក្នុងចំណាត់ថ្នាក់កំពូលទាំង១០ទៀតហើយ។
បញ្ជីនេះបានចាត់ថ្នាក់អត្តពលិកលើប្រាក់ចំណូលរបស់ពួកគេកាលពីឆ្នាំមុន ហើយការប្រកួតតែមួយដងដូចជាការប្រយុទ្ធជាមួយកីឡាករ Dustin Poirier និងការលក់ម៉ាកស្រាវីស្គីរបស់គាត់បានធ្វើឱ្យ McGregor ឡើងកាន់តំណែងនៅឆ្នាំ២០២១ ប៉ុន្តែនៅឆ្នាំនេះគាត់មិនបានឈរចំណាត់ថ្នាក់កំពូលទៀតទេ ។
Messi ដណ្តើមបានតំណែងកំពូលគឺមួយផ្នែកដោយសារប្រាក់ចំណូលរបស់គាត់នៅក្លិបថ្មី Paris Saint-Germain ប៉ុន្តែក៏ទទួលបានចំពោះប្រាក់ចំណូលពាណិជ្ជកម្មក្រៅទីលានរបស់គាត់ផងដែរ។ ក្នុងឆ្នាំចុងក្រោយគាត់រកបាន៧៥ លានដុល្លារពីបាល់ទាត់ និង៥៥លានដុល្លារបានមកពីការឧបត្ថម្ភ និងការគាំទ្រ។
កីឡាករបាល់ទាត់តែ២នាក់ផ្សេងទៀតមាននៅក្នុងបញ្ជីគឺខ្សែប្រយុទ្ធCristiano Ronaldo (ទី៣) និងខ្សែប្រយុទ្ធ Neymar Junior (ទី៤)។ តារា NBA ផ្សេងៗក៏ជាប់ក្នុងបញ្ជីដែរគឺ LeBron James ជាប់លេខ២ រវាង Messi និង Ronaldo ។
បន្ទាប់មកនៅលេខ៥ក្រោម Neymar គឺ Stephen Curry តាមពីក្រោយដោយ Kevin Durant នៅលេខ៦។ ទន្ទឹមនឹងនេះដែរ Giannis Antetokounmpo ឈរក្នុងបញ្ជីលេខ១០។ បញ្ជីដែលនៅសល់រួមមាន Roger Federer (លេខ៧), Saul Alvarez (លេខ៨) និង Tom Brady (លេខ៩) ៕
ដោយ៖ ភារៈ(រូបភាព ៖ MARCA)
