សារព័ត៌មាន នគរវត្ត តែងតែនាំមុខគេជានិច្ច
សហព័ន្ធបាល់ទាត់ប្រទេសវែលបានកោះហៅខ្សែប្រយុទ្ធ Nathan Broadhead ឲ្យចូលរួមក្នុងក្រុម សម្រាប់ការប្រកួតវគ្គផ្តាច់ព្រ័ត្រជម្រុះ World Cup នៅខែមិថុនា និងការប្រកួត Nations League ចំនួន៤។កីឡាករវ័យ២៤ឆ្នាំរូបនេះស៊ុតបញ្ចូលទីបាន១៣គ្រាប់ក្នុងការបង្ហាញខ្លួន២៦លើកសម្រាប់ក្រុមSunderland ក្នុងលក្ខខណ្ឌខ្ចីជើងពី Everton ក្នុងរដូវកាលនេះ។
អ្នកចាំទី Danny Ward របស់ Leicester និងខ្សែប្រយុទ្ធ Kieffer Moore របស់ Bournemouth បានត្រឡប់ពីរបួស ខណៈខ្សែបម្រើ Matt Smith និង Dylan Levitt ក៏ត្រឡប់មកវិញដែរ។
ចំណែកប្រធានក្រុម Gareth Bale ត្រូវបានរាប់បញ្ចូលទោះបីជាពេលវេលាប្រកួតរបស់គាត់មានកំណត់នៅ Real Madrid ក៏ដោយ។ នោះបានបង្ហាញថាគ្មានបញ្ហាទេសម្រាប់កីឡាករវ័យ៣២ឆ្នាំរូបនេះ។ ដោយបានបង្ហាញខ្លួនតែពីរលើកសម្រាប់ Real Madrid ចាប់តាំងពីខែវិច្ឆិកា Bale បានស៊ុតបញ្ចូលទីដ៏អស្ចារ្យចំនួន២គ្រាប់ដើម្បីផ្តល់ឱ្យ Wales ឈ្នះ ២–១ លើអូទ្រីសក្នុងការប្រកួតវគ្គពាក់កណ្តាលផ្តាច់ព្រ័ត្រជម្រុះ World Cup នៅទ្វីបអឺរ៉ុប។
ជ័យជំនះបានកំណត់ការប្រកួតវគ្គផ្តាច់ព្រ័ត្រ Playoffs ទល់នឹងស្កុតឡេន ឬអ៊ុយក្រែនក្នុងទីក្រុង Cardiff នៅថ្ងៃអាទិត្យទី៥ ខែមិថុនា ខណៈដែលវែលមានបំណងចង់ទទួលបានកៅអីប្រកួត World Cup ជាលើកដំបូងចាប់តាំងពីឆ្នាំ១៩៥៨។
៤ថ្ងៃមុនការជួបគ្នាដ៏ធំនោះ វែលបានទៅលេងប្រទេសប៉ូឡូញក្នុងការប្រកួត Nations League បន្ទាប់មកពួកគេធ្វើជាម្ចាស់ផ្ទះទទួលក្រុមហូឡង់ និងបែលហ្ស៊ិកនៅថ្ងៃទី៨ និងទី១១ ខែមិថុនា មុនពេលធ្វើដំណើរទៅកាន់ប្រទេសហូឡង់សម្រាប់ការប្រកួតចុងក្រោយរបស់ក្រុមនេះនៅថ្ងៃទី១៤ ខែមិថុនា។
ជាមួយនឹងកាលវិភាគដ៏មមាញឹកនោះគ្រូបង្វឹក Robert Page បានជ្រើសរើសក្រុមដែលមាន២៧នាក់ដែលមើលទៅហាក់ដូចជាត្រូវបានរចនាឡើងដើម្បីជួយគ្រប់គ្រងការប្រកួតដែលមានការកកស្ទះ។នោះធំជាងក្រុមដែលបានជ្រើសរើសក្នុងខែមីនា ជាមួយនឹងការត្រឡប់មកវិញរបស់ Ward, Moore, Smith និង Levitt ដែលជំរុញជម្រើសរបស់លោក Page ។
ខ្សែការពារ Ben Cabango និងខ្សែប្រយុទ្ធ Tyler Roberts អវត្តមានពីរបួស ខណៈខ្សែបម្រើ Will Vaulks និងប្រធានក្រុម Derby County លោក Tom Lawrence ស្ថិតក្នុងចំណោមអ្នកដែលមើលរំលង។
ចំណែក Bale និង Aaron Ramsey ទំនងជាមិនបង្ហាញទម្រង់លេងលេចធ្លោក្នុងប្រទេសប៉ូឡូញត្រឹមតែ៤ថ្ងៃមុនការប្រកួតជម្រុះ World Cup ដោយលោកPage រំពឹងថា នឹងវិលទៅរកកីឡាករ Wroclaw ដើម្បីរក្សាកីឡាករជម្រើសដំបូងសម្រាប់ការប្រកួតជាមួយស្កុតឡែន ឬអ៊ុយក្រែន។
ដោយឡែកខ្សែប្រយុទ្ធរបស់ក្លិប Nottingham Forest កីឡាករ Brennan Johnson និងខ្សែបម្រើស្លាបរបស់ Huddersfield Town កីឡាករ SorbaThomas ក៏អាចបង្ហាញខ្លួននៅក្នុងប្រទេសប៉ូឡូញផងដែរ ខណៈដែលកីឡាកររូបនេះនឹងលេងឱ្យក្លិបរបស់ពួកគាត់ក្នុងការប្រកួតវគ្គផ្តាច់ព្រ័ត្រPlayoffsនៃក្របខ័ណ្ឌ Championship ត្រឹមតែ៣ថ្ងៃមុន នៅថ្ងៃអាទិត្យទី២៩ ខែឧសភា។
ខាងក្រោមនេះគឺជាបញ្ជីឈ្មោះកីឡាករជម្រើសជាតិវែលសម្រាប់ការប្រកួតជម្រុះ World Cup វគ្គ Playoffs និងការប្រកួត National League៖
អ្នកចាំទី៖ Hennessey,Ward, A Davies។
ខ្សែការពារ៖ B Davies, Rodon, Mepham, Gunter, Norrington-Davies, Roberts, N Williams។
ខ្សែបម្រើ៖ Allen, Morrell, Ampadu, Smith, Ramsey, Levitt, Matondo, Thomas, Colwill, Wilson, J Williams។
ខ្សែប្រយុទ្ធ៖ Bale, James, Harris, Broadhead, Moore, Johnson ៕
ដោយ៖ ភារៈ(រូបភាព ៖ BBC Sport)
