សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន ៖ នៅវេលាម៉ោង ១៨និង១៥នាទី ថ្ងៃពុធ១០រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៥ ខែឧសភា ឆ្នាំ២០២២ មានករណីគ្រោះថ្នាក់ចរាចរណ៍០១ករណីបានកើតឡើងរវាងម៉ូតូនឹងម៉ូតូស្ថិតនៅក្នុងភូមិអូរតាប្រាង សង្កាត់ប៉ៃលិន ក្រុងប៉ៃលិន ខេត្តប៉ៃលិន បណ្ដាលឱ្យមនុស្ស៤នាក់រងរបួសស្រាល ខូចខាតម៉ូតូចំនួន២គ្រឿង។
ករណីខាងលើបង្កឡើងដោយអ្នកបើកម៉ូតូមានឈ្មោះ ឃុន ចន្ធី ភេទស្រី អាយុ ១៨ឆ្នាំ មុខរបរកសិករ មានទីលំនៅភូមិអូរប្រើស សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន (របួសស្រាល) បេីកបរម៉ូតូម៉ាក Honda Dream ពាក់ស្លាកលេខប៉ៃលិន 1C-4498 រងការខូចខាតស្រាល ដោយមានអ្នករួមដំណើរ២នាក់គឺទី១- ឈ្មោះ ឃុន ស្រីអែម ភេទស្រី អាយុ២០ឆ្នាំ រស់នៅភូមិអូរប្រើស សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន រងរបួសស្រាល និងអ្នករួមដំណើរទី២-ឈ្មោះ រិត ថារី ភេទស្រី អាយុ១៧ឆ្នាំ រស់នៅភូមិអូរប្រើស សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន រងរបួសស្រាល។
ចំណែកភាគីរងគ្រោះឈ្មោះ ប៊ី ឃុនលាង ភេទស្រី អាយុ៦៤ឆ្នាំ មានមុខរបរមេផ្ទះ រស់នៅភូមិអូរតាប្រាង សង្កាត់ប៉ៃលិន ក្រុងប៉ៃលិន ខេត្តប៉ៃលិន រងរបួសក្បាលស្រាល(ស្ថិតក្នុងការតាមដាន) បេីកបរម៉ូតូម៉ាក Honda Dream ពណ៌ខ្មៅ ពាក់ស្លាកលេខរដ្ឋ21 1.0033 រងការខូចខាតស្រាល។ មូលហេតុដែលបណ្តាលឱ្យមានគ្រោះថ្នាក់គឺមកពីកត្តាមនុស្ស(បើកបរវ៉ាជែងក្នុងស្ថានភាពគ្រោះថ្នាក់)។
បច្ចុប្បន្នករណីខាងលើនេះ ការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តប៉ៃលិន បានយកវត្ថុតាងមករក្សាទុកនៅការិយាល័យដើម្បីអនុវត្តតាមនីតិវិធី៕
ដោយ៖ សូរិយា
