សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សម្ដេចសុីសុវត្ថិ ពង្សនារី មុនីពង្ស ជាព្រះបុត្រីនៃសម្ដេចក្រុមហ្លួង សុីសុវត្ថិ មុនីពង្ស (ព្រះរាជបុត្រានៃព្រះករុណាព្រះបាទ សុីសុវត្ថិ មុនីវង្ស ព្រះបរមខត្តិយកោដ្ឋ) និងអ្នកម្នាង សុន ណារី ។
ព្រះអង្គត្រូវបាន ព្រះករុណា ព្រះបាទសម្ដេចព្រះ នរោត្ដម សីហនុ ព្រះមហាវីរក្សត្រ ព្រះវររាជបិតាឯករាជ្យជាតិ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ សព្វព្រះរាជហឫទ័យ ចញ្ចឹមបីបាច់ថែរក្សាដូចព្រះរាជបុត្រីបង្កើត។
សម្ដេចសុីសុវត្ថិ ពង្សនារី មុនីពង្ស ប្រសូតនៅថ្ងៃទី២៩ ខែឧសភា ឆ្នាំ១៩៤៧នៅរាជធានីភ្នំពេញ។ ព្រះអង្គគង់ប្រថាប់យ៉ាងសាមញ្ញ និងស្ងប់ស្ងាត់នៅក្នុងរាជធានីភ្នំពេញ ជានិច្ចជាកាល ព្រះអង្គត្រូវបាន ព្រះករុណា ព្រះបាទ សម្ដេចព្រះនរោត្ដម សីហនុ ព្រះបរមរតនកោដ្ឋ និងសម្ដេចព្រះមហាក្សត្រី ព្រះវររាជមាតាជាតិខ្មែរ សព្វព្រះរាជហឫទ័យប្រោសប្រទានជាព្រះរាជតំណាងដ៏ខ្ពង់ខ្ពស់បំផុត ក្នុងកម្មវិធីចែកព្រះរាជអំណោយ និងកម្មវិធី ព្រះពុទ្ធសាសនាជាច្រើនទៀត។
សម្ដេចសុីសុវត្ថិ ពង្សនារី មុនីពង្ស ត្រូវបានដំឡើងគោរមងារជា ព្រះអង្គម្ចាស់ក្សត្រីយ៍ នៅឆ្នាំ១៩៩៣ និងដំឡើងគោរមងារជា “សម្ដេច “ នៅឆ្នាំ២០០៤ ៕
ដោយ ៖ សិលា
