សារព័ត៌មាន នគរវត្ត តែងតែនាំមុខគេជានិច្ច
ក្លិបយក្សបារាំង Paris St-Germain បានចុះហត្ថលេខាយកបានកីឡាករ Nuno Mendes ពីក្លិប Sporting Lisbon ក្នុងកិច្ចសន្យាអចិន្ត្រៃយ៍។
ក្លិបម្ចាស់ជើងឯក Ligue 1 បានបើកជម្រើសក្នុងការទិញ Mendes ក្នុងតម្លៃ៣៤លានផោន ហើយកិច្ចសន្យាថ្មីរបស់គាត់ភ្ជាប់គាត់ជាមួយក្លិបបារាំងរហូតដល់ខែមិថុនា ឆ្នាំ២០២៦។
Mendes វ័យ១៩ឆ្នាំបានចូលរួមជាមួយ PSG ក្នុងលក្ខខ័ណ្ឌខ្ចីជើងពេញមួយរដូវកាលកាលពីរដូវក្តៅមុន ហើយបានបង្ហាញខ្លួនចំនួន៣៧ប្រកួត ដោយផ្តល់ជំនួយចំនួន២ដង។
ខ្សែការពារឆ្វេងរូបនេះគឺជាកីឡាករម្នាក់ក្នុងចំណោមកីឡាករ PSG បួននាក់ដែលមានឈ្មោះក្នុងក្រុម Ligue 1 ប្រចាំឆ្នាំ។ គាត់បានបង្ហាញខ្លួន១៣លើកសម្រាប់ជម្រើសជាតិព័រទុយហ្គាល់ និងលេងនៅ Euro 2020 ៕
ដោយ៖ ភារៈ(រូបភាព ៖ BBC Sport)
