សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សិស្សសាលាជម្ពូវ័នចំនួន៣នាក់ប្រដាប់ដោយកាំបិតនិងពូថៅបានដេញកាប់គ្នាយ៉ាងអនាធិបតេយ្យក្នុងសាលារៀន បង្កការភ្ញាក់ផ្អេីលកាលពីវេលាម៉ោង៨ព្រឹក ថ្ងៃទី១ ខែមិថុនា ឆ្នាំ២០២២ នៅចំណុចក្នុងសាលារៀនបឋមសិក្សាជម្ពូវ័ន ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឱ្យដឹងថា សិស្សសាលាទាំងពីរក្រុម ដោយម្ខាងជាសិស្សនៅវិទ្យាល័យហ៊ុន សែន ជម្ពូវ័ន និងម្ខាងទៀតជាសិស្សរៀននៅសាលាបឋមសិក្សាជម្ពូវ័ន។ មុនពេលកេីតហេតុគេបានឃេីញសិស្សសាលាទាំងពីរក្រុមប្រដាប់ដោយកាំបិតនិងពូថៅដេញកាប់គ្នាយ៉ាងអនាធិបតេយ្យបង្កការភ្ញាក់ផ្អេីលដល់សិស្សរត់ជាន់ជេីងគ្នា ហើយភ្លាមៗនោះត្រូវបានសមត្ថកិច្ចចុះធ្វើអន្តរាគមន៍ឃាត់ខ្លួនបានចំនួន៣នាក់ដកហូតកាំបិតចំនួន២ដេីមនិងពូថៅមួយដេីមយកទៅប៉ុស្តិ៍នគរបាលរដ្ឋបាលចោមចៅទី៣ដេីម្បីសួរនាំ។
នៅចំពោះមុខសមត្ថកិច្ចភាគីទាំងសងខាងបានសារភាពថា ពួកគេមានទំនាស់គ្នាព្រោះតែដណ្តេីមសង្សារគ្នា។
ក្រោយសួរនាំរួច សមត្ថកិច្ចបានហៅអាណាព្យាបាលមកធ្វេីកិច្ចសន្យាបញ្ចប់សកម្មភាពទាំងនេះ រួចឱ្យធានាយកទៅអប់រំបន្តទៀត៕
ដោយ៖សុខាសែនជ័យ
