សារព័ត៌មាន នគរវត្ត តែងតែនាំមុខគេជានិច្ច
ខេត្តកោះកុង៖ បេីយោងតាមប្រភពព័ត៌មានពីរបាយការណ៍របស់ស្នងការដ្ឋាននគរបាលខេត្តកោះកុង បានឱ្យដឹងថា មានករណីគ្រោះថ្នាក់ចរាចរណ៍កើតឡើងចំនួន០១លើក រវាងរថយន្ត និងម៉ូតូ នៅថ្ងៃទី០៦ ខែមិថុនា ឆ្នាំ២០២២ វេលាម៉ោង១២ថ្ងៃត្រង់ លើផ្លូវលេខ១៤៨៣ស្ថិតក្នុងភូមិត្រពាំង ឃុំស្រែអំបិល ស្រុកស្រែអំបិល បណ្ដាលឱ្យរងរបួសមនុស្សម្នាក់ធ្ងន់(ក្មេងប្រុស) ។
របាយការណ៍ដដែល បានបន្តថា រថយន្តតូចម៉ាកស្តារិច ពណ៌ទឹកប្រាក់ ពាក់ស្លាកលេខបាត់ដំបង 2A-8535 បើកបរដោយឈ្មោះ សុះ អីសាភេទប្រុស អាយុ៥៣ឆ្នាំ ជនជាតិឥស្លាម មានទីលំនៅភូមិស្រែអំបិល.ស្រុកស្រែអំបិល(មិនមានរងរបួសទេ) ។ ចំណែកម៉ូតូម៉ាកToday ពណ៌ខ្មៅ គ្មានស្លាកលេខបើកបរដោយឈ្មោះ នូ សីហា ភេទប្រុស អាយុ១៣ឆ្នាំ ជនជាតិខ្មែរមានទីលំនៅភូមិស្រែអំបិល.ឃុំស្រែអំបិល.ស្រុកស្រែអំបិល គ្មានមួកគ្មានកញ្ចក់(រងរបួសធ្ងន់)ទៅសង្គ្រោះនៅមន្ទីពេទ្យឯកជន(ពេទ្យសូនី)។ មូលហេតុ រថយន្តគេចមនុស្សវិកលចរឹកដើរឆ្លងផ្លូវ ជ្រុលប៉ះបុក ម៉ូតូនៅខាងស្តាំចំណែកម៉ូតូ ។
បច្ចុប្បន្នរថយន្តនិងម៉ូតូទាំងពីរគ្រឿង ផ្នែកជំនាញ យកមករក្សាទុកនៅអធិការដ្ឋាននគរបាលស្រុកស្រែអំបិល ដើម្បីធ្វើការដោះស្រាយតាមច្បាប់ ៕
ដោយ៖សហការី
