សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ បេីយោងតាមប្រភពព័ត៌មានពីរបាយការណ៍របស់អគ្គស្នងការនគរបាលជាតិ បានឱ្យដឹងនៅព្រឹកថ្ងៃចន្ទទី១៣ ខែមិថុនា ឆ្នាំ២០២២នេះថា៖ កម្លាំងអធិការដ្ឋាននគរបាលស្រុកកំពង់លែង សហការជាមួយកម្លាំងចម្រុះរបស់គណៈបញ្ជាការឯកភាពរដ្ឋបាលស្រុកកំពង់លែង ដឹកនាំដោយលោក ហ៊ូ ប៊ុនថន អភិបាលរងស្រុក បានដឹកនាំកម្លាំងចុះត្រួតពិនិត្យ និងបង្ក្រាបបទល្មើសនេសាទ នៅចំណុចក្បាលកោះទន្លា វាលភក់ ស្ថិតក្នុងភូមិសាស្ត្រឃុំប្រឡាយមាស ឃុំផ្លូវទូក (ចំណុចកន្សោមដោះ ចំណុចទទឹងថ្ងៃ និងចំណុចបឹងប្រាំង) ស្ថិតក្នុងឃុំសំរោងសែន ស្រុកកំពង់លែង ខេត្តកំពង់ឆ្នាំង កាលពីថ្ងៃទី១២ ខែមិថុនាម្សិលមិញនេះ។
បេីយោងតាមរបាយការណ៍របស់អធិការដ្ឋាននគរបាលស្រុកកំពង់លែង បានឱ្យដឹងថា ក្នុងប្រតិបត្តិការខាងលេីនេះជាលទ្ធផលកម្លាំងជំនាញ បានរុះរើរបាំងសាច់អួន ចំនួន ០៩កន្លែង ប្រវែង ៨៣០ម៉ែត្រ, លូសាច់អួន ០៩មាត់ ,បង្គោល ៤៩០ដើម, និងប្រលែងកូនត្រី ២៧គីឡូក្រាម ។
ក្រោយប្រតិបត្តិការចប់សម្ភារៈ និងវត្ថុតាងខាងលើត្រូវបានសមត្ថកិច្ចកម្ទេចចោលនៅនឹងកន្លែងតែម្តង៕
ដោយ៖សហការី
