សារព័ត៌មាន នគរវត្ត តែងតែនាំមុខគេជានិច្ច
យោងតាមសារព័ត៌មាន BBC បានរាយការណ៍កាលពីថ្ងៃសុក្រថា ក្រុមបាល់ទាត់ជម្រើសជាតិអេហ្ស៊ីបបានបណ្តេញអ្នកចាត់ការទូទៅលោកEhab Galal បន្ទាប់ពីដឹកនាំបាន៣ប្រកួត។
បុរសវ័យ៥៤ឆ្នាំរូបនេះត្រូវបានដឹកនាំក្រុមជម្រើសជាតិអេហ្ស៊ីបកាលពីខែមេសាបន្ទាប់ពីបុរសសញ្ជាតិព័រទុយហ្គាល់ Carlos Queiroz បានចាកចេញដោយសារតែការខកខានរបស់ក្រុមមិនអាចទទួលបានការប្រកួត World Cup នៅប្រទេសកាតា។
លោក Galal បានចាប់ផ្តើមជាមួយនឹងជ័យជម្នះ ១-០ លើហ្គីណេក្នុងការប្រកួតជម្រុះ Africa Cup of Nations មុនពេលក្រុមរបស់គាត់បានចាញ់អេត្យូពី ២-០។ ការប្រកួតចុងក្រោយរបស់គាត់គឺចាញ់ក្រុមកូរ៉េខាងត្បូងក្នុងលទ្ធផល ៤-១ ក្នុងការប្រកួតមិត្តភាពកាលពីថ្ងៃអង្គារ។
សមាគមបាល់ទាត់ប្រទេសអេហ្ស៊ីបបាននិយាយថា ឥឡូវនឹងស្វែងរកគ្រូបង្វឹកបរទេសមកដឹកនាំក្រុមបន្ត ខណៈសមាគមមិនទាន់បញ្ចេញឈ្មោះ ឬទាក់ទងគ្រូបង្វឹកណាម្នាក់នៅឡើយទេនៅសប្តាហ៍នេះ ៕
ដោយ៖ ភារៈ(រូបភាព ៖Reuters/CNA )
