សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ បេីយោងតាមប្រភពព័ត៌មានពីរបាយការណ៍របស់ស្នងការដ្ឋាននគរបាលខេត្តកំពង់ស្ពឺ នៅព្រឹកថ្ងៃសៅរ៍ទី១៦ ខែកក្កដា ឆ្នាំ២០២២នេះថា៖ មានករណីគ្រោះថ្នាក់ចរាចរណ៍មួយលើកំណាត់ផ្លូវជាតិលេខ៤ ចន្លោះគីឡូម៉ែត្រលេខ ១០៣-១០៤ ចំណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ កាលពីវេលាម៉ោង២៤ ឈានចូលថៃ្ងទី១៦ កក្កដានេះ បង្កឡើងដោយរថយន្តកុងតឺន័រមួយគ្រឿង បានរេចង្កូតបុកដើមឈើធ្លាក់ផ្លូវក្រឡាប់តែម្តង។
របាយការណ៍ដដែលបន្តថា ក្នុងហេតុការណ៍នេះបណ្តាលឱ្យរនាំងការពារផ្លូវខូចខាតប្រវែងប្រហែល៥០ម៉ែត្រ,បាក់ដើមឈើ ៤ដើម, រថយន្តរខូចខាតធ្ងន់ធ្ងរ។
ក្រោយពេលកើតហេតុ អ្នកបើកបរមិនស្គាល់អត្តសញ្ញាណ(ចុះរត់គេច) ហើយសមត្ថកិច្ចកំពុងអន្ដរាគមន៍ ជួយរកមធ្យោបាយរថយន្ដស្ទួច ដើម្បីយកមករក្សាទុកនៅអធិការដ្ឋាននគរបាលស្រុកភ្នំស្រួច ដើម្បីបន្តនីតិវិធី៕
ដោយ៖សហការី
