សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម នៅព្រឹកថ្ងៃទី២៨ ខែកក្កដា ឆ្នាំ២០២២ បានដឹកនាំកិច្ចប្រជុំផ្សព្វផ្សាយកិច្ចចាំបាច់មួយចំនួន។
ក្នុងកិច្ចប្រជុំនេះដែរ មានដូចខាងក្រោម៖
១-ផ្សព្វផ្សាយ និងត្រៀមអនុវត្តផែនការ ការពារ សន្តិសុខ សណ្ដាប់ធ្នាប់ រក្សាសុវត្ថិភាពជូន សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជេីញជាអធិបតី ក្នុុងពិធីសំណេះសំណាលជាមួយសិក្ខាកាមជានាយ-នាយរងនគរបាលជាតិ នៅសាលានគរបាលជាតិភូមិភាគ២ នៅឃុំមៀន ស្រុកព្រៃឈរ នៅថ្ងៃទី០៩ ខែសីហា ឆ្នាំ២០២២ ខាងមុខនេះ ។
២-ផ្សព្វផ្សាយ និងត្រៀមអនុវត្តផែនការ ការពារ សន្តិសុខ សណ្ដាប់ធ្នាប់ រក្សាសុវត្ថិភាព ក្នុងពិធីបុណ្យខួប១០០ថ្ងៃ សម្ដេចឧត្តមទេពញាណ ហ៊ុន ណេង (M05) នៅភូមិគ្រិះ ភូមិទី៧ សង្កាត់កំពង់ចាម ក្រុងកំពង់ចាម ដែលប្រព្រឹត្តទៅនៅថ្ងៃទី១១ ខែសីហា ឆ្នាំ២០២២ ខាងមុខនេះ ។
៣-ពង្រឹងវេនប្រចាំបញ្ជា២៤/២៤ម៉ោង និងចាត់តាំងកម្លាំងចុះល្បាត និងធ្វេីរដ្ឋបាលចំហនៅក្នុងភូមិសាស្រ្តសំខាន់ៗតាមដងផ្លូវ និងកន្លែងត្រៀមប្រារព្ធពិធី ។
សមាសភាពចូលរួម៖ លោក-លោកស្រី ស្នងការរង លោក លោកស្រី នាយការិយាល័យជំនាញ លោកអធិការនគរបាលស្រុក ក្រុងទាំង១០ សរុបមានចំនួន៦១នាក់៕
ដោយ៖សហការី
