ព័ត៌មានទាន់ហេតុការណ៍៖

សមត្ថកិច្ចបញ្ជូនខ្លួន​ជនសង្ស័យម្នាក់ រំលោភសេពសន្ថវៈលើក្មេងស្រីជាអនីតិជនម្នាក់ចំនួន៤លើកទៅតុលាការ

ចែករំលែក៖

ភំ្នពេញ៖ បេី​យោង​តាមប្រភពព័ត៌មានពី​របាយការណ៍​របស់​អគ្គស្នងការ​ដ្ឋាននគរបាល​ជាតិ​បានឱ្យដឹងនៅរសៀលថ្ងៃ​ចន្ទ​ទី​០៨​ ខែសីហា​ ឆ្នាំ​២០២២នេះ​ថា៖​ ជនសង្ស័យម្នាក់ត្រូវបានសមត្ថកិច្ចឃាត់ខ្លួនពីបទរំលោភសេពសន្ថវៈលើក្មេងស្រីជាអនីតិជន កាលពីថ្ងៃទី៦ ខែសីហា ឆ្នាំ២០២២ នៅចំណុចដីវាលវត្តអង្គកំពង់ថ្មកែវ ស្ថិតក្នុងភូមិអង្គ សង្កាត់ប្រទះឡាង ទណ្ឌកំបូល រាជធានីភ្នំពេញ។ ការឃាត់ខ្លួនជនសង្ស័យនេះគឺមានការសម្របសម្រួលនិងឯកភាពពីលោក គឹម ហុងសាន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញតាមរយៈលេខទូរស័ព្ទ។

    ជនសង្ស័យឈ្មោះ ម៉ម ស្រស់ ភេទប្រុស អាយុ៥៣ឆ្នាំ មុខរបរកម្មករក្រុមហ៊ុនវឌ្ឍនៈផ្នែកបេតុង ស្នាក់នៅផ្ទះគ្មានលេខ ក្នុងភូមិអង្គ សង្កាត់ប្រទះឡាង ខណ្ឌកំបូល រាជធានីភ្នំពេញ(គ្មានសារធាតុញៀន)។ 

     សម្ភារបន្សល់ទុកមាន ៖ ម៉ូតូចំនួន១គ្រឿង ។

    តាមរបាយការណ៍បានឱ្យដឹងថា៖ កាលពីថ្ងៃទី០៥ ខែសីហា ឆ្នាំ២០២២ វេលាម៉ោងប្រហែល១១និង៣០នាទី ក្មេងស្រីរងគ្រោះកំពុងអង្គុយលេងនៅផ្ទះម្នាក់ឯងក្នុងភូមិអង្គ (សង្កាត់ប្រទះឡាង) បន្ទាប់មកជនសង្ស័យបានជិះម៉ូតូចាស់ មិនស្គាល់ស៊េរី និងស្លាកលេខចេញពីផ្ទះបានមកបបួលក្មេងស្រីរងគ្រោះទៅវាលស្រែដើម្បីប្ដូរស្បៃមង ពេលនោះក្មេងស្រីរងគ្រោះបានយល់ព្រម រួចក៏ឡើងជិះម៉ូតូជាមួយជនសង្ស័យ។ ពេលទៅដល់ចំណុចជិតវត្តអង្គកំពង់ថ្មកែវ ក្នុងភូមិអង្គ (សង្កាត់ប្រទះឡាង) ជនសង្ស័យក៏បានឈប់ម៉ូតូនៅដីវាល ហើយដោយឃើញសភាពស្ងប់ស្ងាត់និងមានឱកាសល្អ ជនសង្ស័យក៏បានចាប់ក្មេងស្រីរងគ្រោះផ្ដួល រួចក៏ធ្វើសកម្មភាពចាប់ក្មេងស្រីរងគ្រោះរំលោភរហូតបានសម្រេច ហើយជនសង្ស័យបានឱ្យលុយទៅក្មេងស្រីរងគ្រោះចំនួន២.០០០រៀល (ពីរពាន់រៀល) និងក្រវិលកំប៉ុងមានរង្វាន់មួយ រួចហើយជនសង្ស័យបានឌុបក្មេងស្រីរងគ្រោះទៅផ្ទះវិញ ។ 

    នៅចំពោះមុខសមត្ថកិច្ចជំនាញជនសង្ស័យបានឆ្លើយសារភាពថា ខ្លួនធ្លាប់ធ្វើសកម្មភាពរំលោភទៅលើក្មេងស្រីរងគ្រោះចំនួន០៤លើក, លើកទី១នៅថ្ងៃទី២៧ ខែកក្កដា ឆ្នាំ២០២២ នៅចំណុចដីទួលក្រោយផ្ទះ, លើកទី២នៅថ្ងៃទី២៩ ខែកក្កដា ឆ្នាំ២០២២ នៅចំណុចវាលស្រែ ភូមិអង្គ (សង្កាត់ប្រទះឡាង), លើកទី៣ នៅថ្ងៃទី០១ ខែសីហា ឆ្នាំ២០២២ នៅចំណុចបឹងឈូកជិតវត្តអង្គកំពង់ថ្មកែវ (សង្កាត់ប្រទះឡាង) និងលើកទី៤ នៅថ្ងៃ០៤ ខែសីហា ឆ្នាំ២០២២ នៅចំណុចបឹងឈូក ជិតវត្តអង្គកំពង់ថ្មកែវ (សង្កាត់ប្រទះឡាង)។

    ជនសង្ស័យនៅព្រឹក​ថ្ងៃ​ចន្ទ​ទី​០៨​ ខែសីហា​ ឆ្នាំ​២០២២នេះ​ កម្លាំង​ជំនាញ​ បានបញ្ជូនខ្លួនទៅកាន់សាលាដំបូងរាជធានីភំ្នពេញ ចាត់ការតាមនីតិវិធី៕

ដោយ​៖សហការី​


ចែករំលែក៖