សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សូមបញ្ជាក់ថា, សហភាពសហព័ន្ធយុវជនកម្ពុជា ហៅកាត់ថា, (ស ស.យ.ក) តែបង្ហាញពីសកម្មភាព ដូចដែលអង្គភាព មជ្ឈមណ្ឌលព័ត៌មាន “នគរវត្ត”បញ្ជាក់ដូចខាងក្រោម : កាលពីថ្ងៃអាទិត្យ ទី៧ ខែសីហា ឆ្នាំ២០២២ នៅអគារខេមរានី ស.ស.យ.ក រាជធានីភ្នំពេញ និង ស.ស.យ.ក. វិស័យបរិស្ថាន បានចូលរួមរៀបចំថ្នាំវីតាមីន និងថ្នាំទម្លាក់សត្វល្អិត ត្រៀមសម្រាប់ចែកជូនកុមារ និងប្រជាពលរដ្ឋដែលរស់នៅទីលានទុកដាក់សំរាមបឹងជើងឯក ស្ថិតនៅខ័ណ្ឌដង្កោ រាជធានីភ្នំពេញ។
✍️កំពង់ចាម៖ កាលពីថ្ងៃទី០៧ ខែសីហា ឆ្នាំ២០២២ លោកជំទាវ អនហេង លក្ខិណា អនុប្រធាន ស.ស.យ.ក. ខេត្ត និងជាប្រធានក្រុមការងារផ្សព្វផ្សាយ និងទំនាក់ទំនងសាធារណៈ ស.ស.យ.ក. ខេត្តកំពង់ចាម បានដឹកនាំក្រុមការងារចុះបណ្ដុះបណ្ដាលយុវជន ស.ស.យ.ក. ឃុំស្តើងជ័យ លោកគ្រូ អ្នកគ្រូ សិស្សានុសិស្ស មន្ត្រីរាជការ ក្នុងឃុំស្តើងជ័យ ស្រុកជើងព្រៃ ចំនួន ២០នាក់ ស្តីពី «មូលដ្ឋានគ្រឹះនៃការថតរូប និងថតវីដេអូតាមទូរសព្ទដៃ» នៅសាលាបឋមសិក្សា ស្តើងជ័យ ។
✍️ខេត្តពោធិ៍សាត់៖ កាលពីថ្ងៃទី០៧ ខែសីហា ឆ្នាំ២០២២ ក្រុមការងារយុវជន ស.ស.យ.ក. វិទ្យាស្ថានពហុបច្ចេកទេសខេត្តពោធិ៍សាត់ ជាគ្រឹះស្ថានអ.ប.វ នៃក្រសួងការងារនិងបណ្តុះបណ្តាលវិជា្ជជីវៈ បានទៅសួរសុខទុក្ខលោកតុប ប៉ារី នាយករង និងជាអនុប្រធានស.ស.យ.ក. វិទ្យាស្ថាន និងនាំថវិកាមូលនិធិគ្រួសារ PIPP ចំនួន ៣០០,០០០៛ ; ថវិកាវិទ្យាស្ថានលោកគ្រូ អ្នកគ្រូ ១,០០០,០០០៛ ;ទឹកសុទ្ធ១កេស ;ទឹកត្រចៀកកាំ២យួរ; ទឹកដោះឆៅ២ឡូ និងត្រពាំងបាយជូ1Kg ។គ្រោះថ្នាក់ដោយម៉ូទ័រកាត់ធ្លាក់ត្រូវ១ចំហៀងមុខ និងស្មា ។
✍️ខេត្តកំពង់ស្ពឺ៖ កាលពីថ្ងៃសៅរ៍ ទី៦ ខែសីហា ឆ្នាំ២០២២
គណៈកម្មាធិការសហភាពសហព័ន្ធយុវជនកម្មកម្ពុជា ខេត្តកំពង់ស្ពឺ បានបើកកិច្ចប្រជុំជីវភាព ក្រោមអធិបតីភាព ឯកឧត្តម សរ សុពុត្រា ប្រធានគណៈកម្មាធិការសហភាពសហព័ន្ធយុវជនកម្ពុជា ខេត្តកំពង់ស្ពឺ ក្នុងសាលប្រជុំលេខាធិការដ្ឋាន ស.ស.យ.ក.ខេត្តកំពង់ស្ពឺ (ក្នុងបរិវេណបណ្ណាល័យកំពង់ស្ពឺ)។
✍️ខេត្តតាកែវ៖ កាលពីថ្ងៃសៅរ៍ ទី៦ ខែសីហា ឆ្នាំ២០២២ គណៈកម្មាធិការ ស.ស.យ.ក.ស្រុកព្រៃកប្បាស បានចូលរួមក្នុងកម្មវិធីបើកការប្រកួតបាល់ទាត់ដណ្តើមពានរង្វាន់មិត្តភាពអាយុក្រោម១៨ឆ្នាំនៅក្នុងស្រុកព្រៃកប្បាស និងបាននាំយកនូវទឹកសុទ្ធចំនួន១០កេះ និងទឹកក្រូចចំនួន៥កេះ ដែលជាអំណោយរបស់ឯកឧត្តម សុខ ពុទ្ធិវុធ ប្រធានសហភាពសហព័ន្ធយុវជនកម្ពុជាខេត្តតាកែវឧបត្ថម្ភដល់កីឡាករផងដែរ។
✍️ខេត្តសៀមរាប៖ កាលពីថ្ងៃទី០៦ ខែសីហា ឆ្នាំ២០២២ លោក ម៉ៅ វិសាល អនុប្រធាន ស.ស.យ.ក ស្រុកអង្គរជុំ ទទួលបន្ទុកលេខាធិការដ្ឋាន ស.ស.យ.ក ស្រុក បានដឹកនាំសមាជិក ស.ស.យ.ក ស្រុកអង្គរជុំ ចុះសួរសុខទុក្ខ នាំយកសម្ភារៈ និងថវិកា របស់ ស.ស.យ.ក ស្រុកអង្គរជុំ ជូនគ្រួសារខ្វះខាតរបស់ លោកយាយ ម៉ិក ប៊ុយ អាយុ ១២៥ឆ្នាំ (មានជំងឺប្រចាំកាយ) មានសមាជិកគ្រួសារ ០៣នាក់ ស្រី ០៣នាក់ នៅភូមិរណ្ដាស់ ឃុំស្រែខ្វាវ ស្រុកអង្គរជុំ៕
ដោយ ៖ សិលា
