មហាសេដ្ឋីអារ៉ាប៊ី សាអ៊ូឌីតវិនិយោគទឹកប្រាក់៥០០លានដុល្លារក្នុងវិស័យថាមពលរុស្ស៊ី

ចែករំលែក៖

ក្រុមហ៊ុន Kingdom Holding របស់មហាសេដ្ឋី ព្រះអង្គម្ចាស់ Al Waleed bin Talal Al Saud នៅថ្ងៃទី១៤ខែសីហា បានប្រកាស វិនិយោគទឹកប្រាក់៥០០លានដុល្លារ ទៅលើក្រុមហ៊ុនថាមពល ចំនួន៣របស់រុស្ស៊ី គឺ Gazprom, Rosneftនិង Lukoil។ ក្នុងនោះ ក្រុមហ៊ុន Kingdom Holding វិនិយោគទឹកប្រាក់៣៦៥លានដុល្លារទៅលើក្រុមហ៊ុន Gazprom និង៥២,២លានដុល្លារទៅលើក្រុមហ៊ុន Rosneft។
ការវិនិយោគខាងលើបានសម្រេចក្រោយពេលរុស្ស៊ីបានបើកការវាយប្រហារទៅលើប្រទេសអ៊ុយក្រែន ហើយលោកខាងលិចចាប់ផ្តើមដាក់ទណ្ឌកម្មទៅលើទីក្រុងមូស្គូ ។ ប្រទេសអារ៉ាប៊ីសាអ៊ូឌីត ជាច្រើនលើកបានបញ្ជាក់ពីគោលជំហរក្នុងទំនាក់ទំនងជាមួយរុស្ស៊ី ក្នុងនាមជាប្រទេសសមាជិក(OPEC+) បើទោះបីប្រទេសលោកខាងលិចបានដាក់ទណ្ឌកម្មលើវិស័យថាមពលរុស្ស៊ីក្តី។
កន្លងមក ប្រទេសអារ៉ាប៊ីសាអ៊ូឌីត បានប្រកាសថា អង្គការនេះមិនអាចខ្វះរុស្ស៊ីបានឡើយនៅក្នុងការផ្គត់ផ្គង់ថាមពលនៅលើពិភពលោក ។ ចំណែកប្រទេសសមាជិក OPEC មិនអាចជំនួសតំណែងរុស្ស៊ី នៅក្នុងការផ្គង់ផ្គង់ប្រេងនោះបានឡើយ៕