សម្ដេចហេង សំរិន ដឹកនាំកិច្ចប្រជុំគណៈកម្មាធិការអចិន្រ្តៃយ៍ នៃរដ្ឋសភា នាព្រឹកថ្ងៃទី១៩ ខែកញ្ញា នេះ

ភ្នំពេញ៖ សម្ដេចអគ្គមហាពញាចក្រី ហេង សំរិន ប្រធានរដ្ឋសភា នាព្រឹកថ្ងៃទី១៩ ខែកញ្ញា ឆ្នាំ២០២២ បានដឹកនាំកិច្ចប្រជុំគណៈកម្មាធិការអចិន្ត្រៃយ៍រដ្ឋសភានៃព្រះរាជាណាចក្រកម្ពុជា ដែលមានរបៀបវារៈចំនួន ៤ គឺ៖

 ១- ការពិនិត្យសំណើសុំអនុម័តសេចក្តីព្រាងច្បាប់ស្តីពី ការអនុម័តយល់ព្រមលើពិធីសារទីបួនស្តីពីវិសោធនកម្មកិច្ចព្រមព្រៀងវិនិយោគទូលំទូលាយអាស៊ាន។

 ២- ការពិនិត្យគម្រោងចំណាយថវិការបស់រដ្ឋសភា ឆ្នាំ២០២៣។

 ៣- ការពិនិត្យសេចក្តីព្រាងរបាយការណ៍ស្តីពី សកម្មភាពការងាររបស់រដ្ឋសភាចន្លោះសម័យប្រជុំលើកទី៧ និងលើកទី៨ នីតិកាលទី៦។

 ៤- ផ្សេងៗ​ – ការពិនិត្យ និងពិភាក្សាសេចក្តីព្រាងគម្រោងផែនការការទូតសភាកម្ពុជា ឆ្នាំ២០២៣ ៕

ដោយ៖ សូរិយា