នគរបាលស្រុកស្រីសន្ធរចុះបង្ក្រាបអ្នកញៀនល្បែងលួចលេងបញ្ជល់មាន់ ភ្នាល់ដាក់ប្រាក់

ខេត្តកំពង់ចាម ៖ នៅថ្ងៃទី២៦ ខែកញ្ញាឆ្នាំ២០២២ វេលាម៉ោង ១១ និង ១៥ នាទី សមត្ថកិច្ចបានទទួលព័ត៌មានពីភ្នាក់ងារបានរាយការណ៍ថា នៅចំណុចសំយ៉ាបរោងចាំគោរបស់ម្ចាស់ឈ្មោះ ងួន ឆេងឃី ភេទប្រុស អាយុ៤០ឆ្នាំ ជាតិខ្មែរ ស្ថិតនៅភូមិត្នោតលើ ឃុំឬស្សីស្រុក ស្រុកស្រីសន្ធរ ខេត្តកំពង់ចាម មានករណីអ្នកញៀនល្បែង លួចលេងបញ្ជល់មាន់ ភ្នាល់ដាក់ប្រាក់ ។ 

បន្ទាប់ពីទទួលព័ត៌មានភ្លាមកម្លាំងជំនាញផែននគរបាលព្រហ្មទណ្ឌដែលដឹកនាំដោយ លោកវរសេនីយ៍ទោ ជុយ សុងហៃ អធិការរងជំនួយការងារព្រហ្មទណ្ឌ សហការជាមួយកម្លាំងប៉ុស្តិ៍នគរបាលរដ្ឋបាលឬស្សីស្រុក និង អាជ្ញាធរមូលដ្ឋានចុះដល់កន្លែងកើតហេតុ  ពេលទៅដល់មុខសញ្ញាសង្ស័យដែលលេងនៅទីនោះ ឃើញសមត្ថកិច្ចយើងមុនហើយក៏នាំគ្នារត់គេចខ្លួនបាត់អស់ ។

បន្ទាប់មកសមត្ថកិច្ចនគរបាល ធ្វើការត្រួតពិនិត្យឃើញកន្លែងកើតហេតុផ្ទាល់ស្ថិតនៅសំយ៉ាបរោងចាំគោជ្រុងខាងកើតហ៊ុំព័ទ្ធ ធ្វើជាសង្វៀនដោយក្តាបន្ទះកុងផ្លាកកេរចំនួន ២ ជ្រុង ចាប់ទៅនិងជញ្ជាំងបន្ទប់ចាំគោ ។

ករណីនេះសមត្ថកិច្ចយើងធ្វើការចាប់យកសម្ភារៈវត្ថុតាងនៅជុំវិញកន្លែងកើតហេតុរួមមាន ៖

១,មាន់ជល់ចំនួន០៤ក្បាល

២,ទ្រុងគ្របមាន់ចំនួន០៥

៣,កៅអីជ័រចំនួន០៨

៤,ជញ្ជីងសម្រាប់ថ្លឹងមាន់ចំនួន០១

៥, ម៉ូតូចំនួន០៧គ្រឿងមាន

-ម៉ាកហុងដាសេ១២៥ឆ្នាំ២០១៥ ចំនួន០១គ្រឿងពាក់ស្លាកលេខតាកែវ1J,75 89។

-ម៉ាកគុបចង្កៀងជ្រុងពណ៌ទឹកសមុទ្រពាក់ស្លាកលេខ យ4456ភព1។

-ម៉ាកស្គូពីពណ៌ខ្មៅ០១គ្រឿងពាក់ស្លាកលេខភ្នំពេញ1IM,8959។

-ម៉ាកនិចពណ៌ក្រហម,សចំនួន០១គ្រឿងពាក់ស្លាកលេខភ្នំពេញ1IU,46 75។

-ម៉ាកវីវ៉ាចាស់ឆ្អឹងពណ៌ខ្មៅមួយគ្រឿងពាក់ស្លាកលេខកំពង់ចាម1H, 6157។

-ម៉ាកហុងដាC125, ឆ្នាំ018 ពណ៌ខ្មៅពាក់ស្លាកលេខភ្នំពេញ1CR,1167 ។

-ម៉ាកហុងដាc125 ,ឆ្នាំ018 ពាក់ស្លាកលេខភ្នំពេញ1CV, 4156។

ចំពោះសម្ភារៈវត្ថុតាងខាងលើនេះបញ្ជូនមកអធិការដ្ឋាន ដើម្បីកសាងសំណុំរឿងទៅតាមនីតិវិធី តាមបញ្ជារបស់លោក វង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម។ដោយសេចក្តីគោរព៕

ដោយ ៖ វណ្ណៈ