សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តធុនធំប្រភេទសណ្តោងទូកុងតឺន័រមួយគ្រឿងសង្ស័យតៃកុងងងុយដេកបានបេីករេចង្កូតឡេីងខឿនពុះចែកទ្រូងផ្លូវ រួចបន្តទៅបុកបង្គោលស្លាកស្រាបៀរបណ្តាលឱ្យរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង៤ទៀបភ្លឺឈានចូលថ្ងៃទី៣០ ខែកញ្ញា ឆ្នាំ២០២២ នៅចំណុចមុខផ្សារកាណាស៊ីធី តាមបណ្តោយមហាវិថីចោមចៅ ស្ថិតក្នុងសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តធុនធំប្រភេទសណ្តោងទូកុងតឺន័រ ក្បាលពណ៌ខៀវ ពាក់ស្លាកលេខភ្នំពេញ3D -2711 ធ្វេីដំណេីរតាមបណ្តោយមហាវិថីចោមចៅក្នុងទិសដៅពីកេីតទៅលិច ហើយខណៈមកដល់ចំណុចកេីតហេតុក៏ស្រាប់តែរេចង្កូតឡេីងលើខឿនពុះចែកទ្រូងផ្លូវទៅបុកបង្គោលស្លាកសញ្ញាស្រាបៀរមួយដេីមរងការខូចខាត តែមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុ ហើយទំនាក់ទំនងទៅសមត្ថកិច្ចចរាចរណ៍ផ្លូវគោកនៃស្នងការដ្ឋាននគរបាលរាជធានីមកយករថយន្តបង្កទៅរក្សាទុករង់ចាំដោះស្រាយពេលក្រោយ៕
ដោយ៖សុខាសែនជ័យ
