សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ បេីយោងតាមប្រភពព័ត៌មានពីស្នងការដ្ឋាននគរបាលខេត្តកំពង់ស្ពឺ បានឱ្យដឹងថា នៅថ្ងៃទី០១ ខែតុលា ឆ្នាំ២០២២ លោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ បានអញ្ជើញចុះត្រួតពិនិត្យដោយផ្ទាល់ ក្នុងសកម្មភាពកម្លាំងនគរបាលចរាចរណ៍ សម្រួលការងារថៃ្ងដំបូងនៅច្រកបញ្ជាឡើងលើផ្លូវល្បឿនលឿន បន្ទាប់ពីការកសាងនិងកំណត់ការធ្វើដំណើរសាកល្បងជាលើកដំបូងចាប់ពីថៃ្ងទី០១ ខែតុលា ឆ្នាំ២០២២ រយៈពេលមួយខែដោយអត់គិតថ្លៃ ។
លើគោលដៅចំណុចបញ្ជរបង់ប្រាក់នៅក្នុងភូមិសាស្ដ្រ ខេត្តកំពង់ស្ពឺ មានបី គឺ ផ្លូវជាតិលេខ៤ គីឡូម៉ែត្រលេខ៤០(ស្ពានអូរក្រាំងអំបិល ឃុំវល្លិ៍សរ ស្រុកសំរោងទង ផ្លូវល្បឿនលឿនលេខ២៦, គីឡូម៉ែត្រលេខ៦៣ ឃុំកាហែង ស្រុកសំរោងទង ផ្លូវល្បឿនលឿនលេខ៤៣, គីឡូម៉ែត្រលេខ៩១ ឃុំត្រែងត្រយឹង ស្រុកភ្នំស្រួច ) ។
សូមបងប្អូនធ្វើដំណើរប្រកបដោយសុវត្ថិភាព និងគោរពតាមការណែនាំរបស់ក្រុមហ៊ុនល្បឿនលឿន គន្លងផ្លូវល្បឿនលឿនមាន ៣គន្លងទៅនិងមក ៕
ដោយ៖សហការី
