ភាពស្ងៀមស្ងាត់១នាទីមុនការប្រកួតបាល់ទាត់នៅអឺរ៉ុបនឹងធ្វើឡើងសម្រាប់ជនរងគ្រោះនៅកីឡដ្ឋានឥណ្ឌូនេស៊ី

សហព័ន្ធបាល់ទាត់ទ្វីបអឺរ៉ុប UEFA បានប្រកាសកាលពីថ្ងៃអង្គារទី៤ខែតុលាថា នឹងរក្សាភាពស្ងៀមស្ងាត់មួយនាទីនឹងធ្វើឡើងនៅក្នុងការប្រកួត Champions League, Europa League និង Conference League ក្នុងសប្តាហ៍នេះ ដើម្បីឧទ្ទិសដល់ជនរងគ្រោះដែលបា​នស្លាប់នៃសោកនាដកម្មពហុកីឡដ្ឋាននាប្រទេសឥណ្ឌូនេស៊ីកាលពីថ្ងៃទី១ ខែតុលា។

សេចក្តីថ្លែងការណ៍របស់ UEFA បានបង្ហាញថា “UEFA បានប្រកាស រក្សាភាពស្ងៀមស្ងាត់មួយនឹងត្រូវបានធ្វើឡើងមុនពេលចាប់ផ្តើមក្នុងការចងចាំជនរងគ្រោះនៃព្រឹត្តិការណ៍សោកនាដកម្មនៅកីឡដ្ឋាន Kanjuruhan ក្នុងប្រទេសឥណ្ឌូនេស៊ី។ ភាពស្ងប់ស្ងាត់នេះនឹងធ្វើឡើងនៅគ្រប់ការប្រកួតរបស់ UEFA ក្នុងសប្តាហ៍នេះ (Champions League, Europa League, Europa Conference League និង Women’s World Cup play-offs)”។

ផ្ទៃរាបស្មើនៃកីឡដ្ឋាន Kanjuruhan ត្រូវបានប្រមូលផ្តុំកាលពីល្ងាចថ្ងៃសៅរ៍ជាមួយនឹងអ្នកគាំទ្រ “Aremania” ឬក្រុម Arema FC ចំនួន៤២,០០០នាក់សម្រាប់ការប្រកួតជាមួយគូប្រជែង PersebayaSurabaya។ ប៉ុន្តែបន្ទាប់ពីការបរាជ័យ ៣–២ ដែលជាការចាញ់ក្នុងផ្ទះលើកដំបូងអស់រយៈពេលជាង២ទស្សវត្សរ៍ អ្នកគាំទ្របានចុះទៅទីលានដើម្បីប្រឈមមុខនឹងកីឡាករ និងអ្នកគ្រប់គ្រង បណ្តាលឲ្យមានការចលាចល។

ប៉ូលិស​បាន​ពណ៌នា​ហេតុការណ៍​នេះ​ថា ​ជា​កុប្បកម្ម​មួយ ហើយ​បាន​និយាយ​ថា ​មន្ត្រី​ពីរ​នាក់​ត្រូវ​បាន​សម្លាប់ ប៉ុន្តែ​អ្នក​នៅ​រស់​បាន​ចោទ​ពួកគេ​ថា​មាន​ប្រតិកម្ម​ហួសហេតុ។

យោងតាមសាក្សី និងវីដេអូឃ្លីបបានឱ្យដឹងថា ក្រុមមន្ត្រីបានឆ្លើយតបទៅនឹងការលុកលុយក្នុងទីលានដោយកម្លាំង ទាត់ និងវាយអ្នកគាំទ្រដោយដំបង។ នេះបើយោងតាមសាក្សី និងវីដេអូ ដែលជំរុញឱ្យអ្នកគាំទ្រចូលទីលានកាន់តែច្រើន។

ចំនួនអ្នកស្លាប់បានកើនឡើងម្តងទៀតកាលពីថ្ងៃអង្គារ ដោយមន្ត្រីសុខាភិបាលក្នុងតំបន់លោក Wiyanto Wijoyo ប្រាប់ AFP ថា ជនរងគ្រោះ៦នាក់ទៀតបានបាត់បង់ជីវិតដោយសាររបួសរបស់ពួកគេ។

មន្ត្រីឥណ្ឌូនេស៊ីបាននិយាយថា សំបុត្រចំនួន៤២,០០០ត្រូវបានបែងចែកសម្រាប់ការប្រកួតនៅកីឡដ្ឋានដែលផ្ទុកមនុស្សបាន៣៨,០០០ ខណៈដែលទ្វារកីឡដ្ឋានមួយចំនួនហាក់ដូចជាត្រូវបានបិទ។

នោះបានធ្វើឱ្យអ្នកគាំទ្រសម្រុកហែករបងធំៗ ដើម្បីគេចចេញពីការគំរាមកំហែង ខណៈដែលអ្នកដែលងាយរងគ្រោះគឺដោយសារការប៉ះទង្គិចគ្នា ខណៈដែលឧស្ម័នបង្ហូរទឹកភ្នែកត្រូវបានសមត្ថកិច្ចបាញ់ចូលក្រុមចលាចលនោះ។

ប្រធាន FIFA លោក Gianni Infantino បាន​ហៅ​ហេតុការណ៍​កាល​ពី​ថ្ងៃ​អាទិត្យ​ថា “ជា​ថ្ងៃ​ដ៏​ខ្មៅ​ងងឹត​សម្រាប់​អ្នក​ពាក់ព័ន្ធ​ក្នុង​កីឡា​បាល់ទាត់ និងជា​សោកនាដកម្ម​ហួសហេតុ​“ ៕

ដោយ៖ ភារៈ(រូបភាព ៖ AFP/CNA)