សារព័ត៌មាន នគរវត្ត តែងតែនាំមុខគេជានិច្ច
លោក Giovanni Van Bronckhorst គ្រូបង្វឹកក្រុម Rangers បាននិយាយកាលពីថ្ងៃអង្គារថា ក្រុម Rangers និងក្រុមជម្រើសជាតិវែលនឹងគ្មានខ្សែបម្រើកណ្តាល Tom Lawrence រហូតដល់ការប្រកួត World Cup ចប់ដោយសាររបួសជាថ្មី។
គ្រូបង្វឹករូបនេះបានបន្តថា Lawrence បានជាសះស្បើយពីរបួសក្នុងការប្រកួតលីគជាមួយក្រុម Ross County កាលពីខែសីហា ប៉ុន្តែបានរងរបួសជាថ្មីក្នុងការហ្វឹកហាត់ក្នុងសប្តាហ៍នេះ ។
លោក Van Bronckhorst បាននិយាយមុនការប្រកួតរបស់ Rangers នៅ Champions League ក្នុងទឹកដី Liverpool កាលពីថ្ងៃអង្គារថា “យើងត្រូវរង់ចាំដើម្បីមើល រយៈពេលដែលគាត់នឹងចេញ ប៉ុន្តែខ្ញុំគិតថាវានឹងមានរយៈពេលយូរជាងនេះ” ។
លោកបានបន្ថែមថា “Lawrence ទំនងជាត្រូវការច្រើនខែ មិនមែនប៉ុន្មានសប្តាហ៍ដើម្បីចប់នោះទេ។ យើងនៅតែធ្វើរោគវិនិច្ឆ័យរបួសរបស់គាត់ ប៉ុន្តែខ្ញុំមិនគិតថាយើងនឹងឲ្យគាត់ត្រលប់មកវិញមុនការប្រកួត World Cupនោះទេ“។
ការប្រកួតបាល់ទាត់ពិភពលោកនៅប្រទេសកាតានឹងចាប់ផ្តើមនៅថ្ងៃទី២០ខែវិច្ឆិកាខាងមុខ។ សម្រាប់ក្រុមជម្រើសជាតិវែលនឹងត្រូវប្រកួតបើកឆាកក្នុងពូល B ជាមួយក្រុមជម្រើសជាតិសហរដ្ឋអាមេរិកនៅថ្ងៃទី២២ ខែវិច្ឆិកាខាងមុខ ៕
ដោយ៖ ភារៈ(រូបភាព ៖ Reuters/CNA)
