សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នេះបើយោងតាមប្រភពព័ត៌មានពីរបាយការណ៍របស់អគ្គស្នងការនគរបាលជាតិ នៅព្រឹកថ្ងៃសុក្រទី២១ ខែតុលា ឆ្នាំ២០២២នេះ បានឱ្យដឹងថា គ្រឿងញៀនបំផ្លាញអនាគតអ្នក និងក្រុមគ្រួសារអ្នក ! ខណៈជនសង្ស័យចំនួន ១៦នាក់ ត្រូវបានសមត្ថកិច្ចឃាត់ខ្លួនក្នុងប្រតិបត្តិការបង្ក្រាបបទល្មើសគ្រឿងញៀនចំនួន ៧ករណី ទូទាំងប្រទេសនៅថ្ងៃទី២០ ខែតុលាម្សិលមិញនេះ ។
របាយការណ៍ដដែលបន្តថា ក្នុងចំណោមជនសង្ស័យចំនួន ១៦នាក់ រួមមាន៖ ជួញដូរ ៥ករណី ឃាត់មនុស្ស ១៣នាក់ (ស្រី ៣នាក់) ,ដឹកជញ្ជូន រក្សាទុក ១ករណី ឃាត់មនុស្ស ២នាក់, ប្រើប្រាស់ ១ករណី ឃាត់មនុស្ស ១នាក់ ។
វត្ថុតាងដែលចាប់យកសរុបក្នុងថ្ងៃទី២០ ខែតុលា រួមមាន៖មេតំហ្វេតាមីនម៉ាទឹកកក(Ice) ស្មេីនិង ៥,៦៦ក្រាម និង៦កញ្ចប់តូច ,មេតំហ្វេតាមីន(Wy) ស្មេីនិង ០,២៣ក្រាម ។
សូមជម្រាបថា ក្នុងប្រតិបត្តិការចុះបង្ក្រាបខាងលេីនេះជាលទ្ធផលកម្លាំងជំនាញមាន ៤អង្គភាព បានចូលរួមបង្ក្រាបដូចខាងក្រោម៖
១ / កម្លាំងនគរបាលខេត្តកំពង់ស្ពឺ ៖ អនុវត្តន៍ដីកា ១ករណី ចាប់ ១នាក់ ។
២ / កម្លាំងនគរបាលខេត្តកណ្តាល ៖ ជួញដូរ ៣ករណី ឃាត់ ៥នាក់ រក្សាទុក ១ករណី ឃាត់ ២នាក់ ចាប់យកIce ១,៣៣ក្រាមនិង៦កញ្ចប់តូច ។
៣ / កម្លាំងនគរបាលរាជធានីភ្នំពេញ ៖ ប្រើប្រាស់ ១ករណី ឃាត់ ១នាក់ ។
៤ / កម្លាំងនគរបាលខេត្តប៉ៃលិន ៖ ជួញដូរ ២ករណី ឃាត់ ៨នាក់ ស្រី ៣នាក់ ចាប់យកIce ៤,៣៣ក្រាមនិងWy ០,២៣ក្រាម៕
ដោយ៖ស តារា(រូបភាព៖ ឯកសារ)
