សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារីស្រស់ស្អាតម្នាក់បេីករថយន្តបុកម៉ូតូមួយគ្រឿងហេីយព្យាយាមបេីកគេចខ្លួនទាំងជាប់ម៉ូតូនៅខាងក្រោមរថយន្តអូសជាច្រើនម៉ែត្របែកផ្កាភ្លេីងពេញផ្លូវបង្កការភ្ញាក់ផ្អេីលកាលពីវេលាម៉ោង៨និង៣០នាទីយប់ ថ្ងៃទី២៩ ខែតុលា ឆ្នាំ២០២២ នៅចំណុចស្តុប២០០៤ តាមបណ្តោយមហាវិថីសហព័ន្ធរុស្ស៊ី កែងផ្លូវ២០០៤ ស្ថិតក្នុងសង្កាត់កាកាបទី១ ខណ្ឌពោធិ៍សែនជ័យ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញម៉ូតូម៉ាកស៊ុយហ្សូគីនិច ពណ៌ខ្មៅ ពាក់ស្លាកលេខតាកែវ1O 2695 ធ្វេីដំណេីរតាមបណ្តោយមហាវិថីសហព័ន្ធរុស្ស៊ី ក្នុងទិសដៅពីលិចទៅកេីតខណៈមកដល់ស្តុបក៏បត់ឆ្វេងឆ្លងផ្លូវ ភ្លាមនោះស្រាប់តែមានរថយន្តម៉ាកព្រូស ពណ៌ស ពាក់ស្លាកលេខភ្នំពេញ2BH 2230 បេីកបរដោយនារីម្នាក់ធ្វេីដំណេីរតាមបណ្តោយមហាវិថីសហព័ន្ធរុស្ស៊ីក្នុងទិសដៅពីកេីតទៅលិចក្នុងល្បឿនលឿនក៏ជ្រុលបុកម៉ូតូពេញទំហឹងគាបជាប់ក្រោមរថយន្តសំណាងម្ចាស់ម៉ូតូលោតចេញទាន់រងរបួសស្រាល។
ប្រភពដដែលបានបន្តថា ភ្លាមនោះម្ចាស់រថយន្តមិនព្រមឈប់សម្របសម្រួលទេបែជាបេីករថយន្តព្យាយាមបេីករត់ទាំងជាប់ម៉ូតូនៅខាងក្រោមអូសបែកផ្កាភ្លេីងពេញផ្លួវបានប្រហែល៥០០ម៉ែត្រទេីបប្រជាពលរដ្ឋដេញឃាត់បានតែម្តង។
ក្រោយកេីតហេតុសមត្ថកិច្ចបានចុះមកដល់ទីតាំងកន្លែងកេីតហេតុធ្វេីការវាស់វែងយករថយន្តនិងម៉ូតូទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យរង់ចាំដោះស្រាយតាមច្បាប់៕
ដោយ៖សុខាសែនជ័យ
