សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ ដេីម្បីបង្ការទប់ស្កាត់ និងបង្រ្កាបបទល្មើសគ្រឿងញៀន និងសារធាតុគីមីផ្សំគ្រឿងញៀនខុសច្បាប់នៅលេីដងផ្លូវ ក្រោមរូបភាពក្លែងបន្លំណាមួយ កម្លាំងសមត្ថកិច្ចចម្រុះក្នុងខេត្តបាត់ដំបង បានសហការគ្នាចុះអនុវត្តការត្រួតពិនិត្យចល័តក្នុងភូមិសាស្រ្តស្រុកសំពៅលូន។
សូមជម្រាបថា ក្នុងប្រតិបត្តិការខាងលេីនេះលោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន សហការជាមួយសមត្ថកិច្ចមូលដ្ឋានកងរាជអាវុធហត្ថខេត្តបាត់ដំបង ,កម្លាំងមូលដ្ឋានកងរាជអាវុធហត្ថស្រុកសំពៅលូន ,កម្លាំងនគរបាលស្រុកសំពៅលូន និងនគរបាលវរ:សេនាតូចការពារព្រំដែនគោកលេខ៨១៧ កាលពីថ្ងៃទី២៩ ខែតុលា ឆ្នាំ២០២២ម្សិលមិញនេះ បានត្រួតពិនិត្យលើគោលដៅចំនួន០២ ដែលអាចឆ្លងកាត់នៅភូមិសាស្រ្តស្រុកជាប់ព្រំដែន មានដូចខាងក្រោម៖
-គោលដៅទី០១៖ ចំណុចផ្លូវលេខ៥៩ ក្រុមទី៥ ភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង ពិនិត្យលើរថយន្តចំនួន ៣៦០គ្រឿង មនុស្ស ៦៨២នាក់ ស្រី ២៤៧នាក់ ក្នុងនោះ៖
-រថយន្តធុនធំ ចំនួន ១៥៥គ្រឿង មនុស្ស ២២៧នាក់ ស្រី១១២នាក់។
-រថយន្តធុនតូចចំនួន ២០៥នាក់ មនុស្ស ៤៥៥នាក់ ស្រី ១៣៥នាក់ និងម៉ូតូចំនួន ៧៣គ្រឿង មនុស្ស១៤៥នាក់ ស្រី ៧៥នាក់
-គោលដៅទី០២៖ ផ្លូវលេខ៥៧B ក្រុមទី៦ ភូមិវាលវង់ ឃុំតាស្ដា ស្រុកសំពៅលូន ចាប់ពីម៉ោង១៣និង០០នាទីរសៀល បានត្រួតពិនិត្យលើរថយន្តចំនួន ២៨៥គ្រឿង មនុស្ស ៤៧០នាក់ ស្រី ២២៥នាក់ ក្នុងនោះ៖
-រថយន្តធុនធំ ចំនួន ១៤៥គ្រឿង មនុស្ស ២៦៥នាក់ ស្រី ៩៥នាក់។
-រថយន្តធុនតូចចំនួន ១៤០គ្រឿង មនុស្ស ២០៥នាក់ស្រី ១៣០នាក់ និងម៉ូតូចំនួន ១៤៩គ្រឿង មនុស្ស ២៧៨ ស្រី ១០៥នាក់។
ជាលទ្ធផលសរុបទាំង០២គោលដៅគឺ ៖ រថយន្តចំនួន៦៤៥គ្រឿង មនុស្ស ១១៥២នាក់ ស្រី ៤៧២នាក់ និងម៉ូតូសរុបចំនួន ២២២គ្រឿង មនុស្ស ៤២៣នាក់ ស្រី ១៨០នាក់។
ក្នុងកិច្ចប្រតិបត្តិការខាងលើ សមត្ថកិច្ចចម្រុះពុំបានរកឃើញសារធាតុគីមីផ្សំ គ្រឿងញៀនខុសច្បាប់ឡើយ ៕
ដោយ៖សហការី
