សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ លោកឧត្តមសេនីយ៍ត្រី អ៊ុំ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង នៅថ្ងៃចន្ទ ១៤កើត ខែកត្តិក ឆ្នាំខាល ចត្វាស័កព.ស.២៥៦៦ ត្រូវនឹងថ្ងៃទី០៧ ខែវិច្ឆិកា ឆ្នាំ២០២២ បានចាត់តាំង លោក អនុសេនីយ៍ឯក ឈុន ចំរើន មេបញ្ជាការ ផ្នែកសឹករងរលាប្អៀរ ដឹកនាំកម្លាំងនាំយក អង្ករ គ្រឿងឧបភោគបរិភោគ រួមនឹងថវិកាមួយចំនួន ឧបត្ថម្ភដល់គ្រួសារ លោកនាយចំណង់ អ៊ុក វ៉ាន់នុប ដែលភរិយាទើបនឹងលំហែមាតុភាពកាលពីពេលថ្មីៗនេះ ។
នៅក្នុងឱកាសនោះលោកអនុសេនីយ៍ឯក ឈុន ចំរើន បានពាំនាំប្រសាសន៍ផ្តាំផ្ញើ សួរសុខទុក្ខ ពីសំណាក់លោកមេបញ្ជាការ តំបន់ប្រតិបត្តិការសឹករងកំពង់ឆ្នាំង ជូនចំពោះលោកនាយចំណង់ អ៊ុក វ៉ាននុប និងគ្រួសារ និងបានជូនពរ សូមមានសុខភាពល្អទាំងម្តាយ និងកូន ផងដែរ ។
លោកនាយចំណង់ អ៊ុក វ៉ាន់នុប និងភរិយា សូមថ្លែងអំណរគុណយ៉ាងជ្រាលជ្រៅចំពោះ លោកមេបញ្ជាការ តំបន់ប្រតិបត្តិការសឹករងកំពង់ឆ្នាំង និងព្រមទាំងក្រុមការងារ ដែលតែងតែយកចិត្តទុកដាក់គិតគូរពីសុខទុក្ខ និងសុខុមាលរបស់ក្រុមគ្រួសារយោធិនក្រោមឱវាទ ៕
ដោយ៖សហការី
