សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ លោក លី ច័ន្ទតុលា ប្រធានគណ:មេធាវីនៃព្រះរាជាចក្រកម្ពុជា បានដឹកនាំសមាជិក-សមាជិកាក្រុមប្រឹក្សាគណ:មេធាវី និងថ្នាក់ដឹកនាំគណ:មេធាវី អញ្ជើញចូលរួមក្នុងពិធីដាក់កម្រងផ្កាគោរពព្រះវិញ្ញាណក្ខន្ធនៅវិមានឯករាជ្យ និងថ្វាយកម្រងផ្កាគោរពវិញ្ញាណក្ខន្ធ ព្រះករុណា “ព្រះបរមរតនកោដ្ឋ” ក្នុងពិធីខួបអនុស្សាវរីយ៍លេីកទី៦៩ នៃទិវាបុណ្យឯករាជ្យជាតិ ៩វិច្ឆិកា និងទិវាកំណេីតនៃកងយោធពលខេមរភូមិន្ទ ឆ្នាំ២០២២។
សូមបញ្ជាក់ថា, នារសៀលថ្ងៃអង្គារ ១៥កេីត ខែកត្តិក ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី៨ ខែវិច្ឆិកា ឆ្នាំ២០២២ លោក លី ច័ន្ទតុលា ប្រធានគណ:មេធាវីនៃព្រះរាជាចក្រកម្ពុជា បានដឹកនាំសមាជិក-សមាជិកាក្រុមប្រឹក្សាគណ:មេធាវី និងថ្នាក់ដឹកនាំគណ:មេធាវី អញ្ជើញចូលរួមក្នុងពិធីដាក់កម្រងផ្កាគោរពព្រះវិញ្ញាណក្ខន្ធនៅវិមានឯករាជ្យ និងថ្វាយកម្រងផ្កាគោរពវិញ្ញាណក្ខន្ធ ព្រះករុណា “ព្រះបរមរតនកោដ្ឋ” ក្នុងពិធីខួបអនុស្សាវរីយ៍លេីកទី៦៩ នៃទិវាបុណ្យឯករាជ្យជាតិ ៩វិច្ឆិកា និងទិវាកំណេីតនៃកងយោធពលខេមរភូមិន្ទ ឆ្នាំ២០២២។
តាងនាមថ្នាក់ដឹកនាំគណ:មេធាវី សមាជិក-សមាជិកាក្រុមប្រឹក្សាគណ:មេធាវី សមាជិក-សមាជិកាគណ:មេធាវី និងបុគ្គលិកទាំងអស់នៃគណ:មេធាវីនៃព្រះរាជាណាចក្រកម្ពុជា នឹងចងចាំជានិច្ចនូវឧបការគុណយុទ្ធជន និងបុព្វបុរសដែលបានពលីជីវិតដេីម្បីជាតិនិងប្រជារាស្រ្ត និងចងចាំជានិច្ចនូវព្រះរាជបូជនីយកិច្ចទាមទារឯករាជ្យដ៏ឧដ្តុង្គឧត្តម នៃព្រះករុណា “ព្រះបរមរតនកោដ្ឋ”។
នេះជាលេីកទី១ របស់គណ:មេធាវីនៃព្រះរាជាណាចក្រកម្ពុជា ដែលបានចូលរួមក្នុងពិធីខួបអនុស្សាវរីយ៍នៃទិវាបុណ្យឯករាជ្យជាតិ ៩វិច្ឆិកា និងទិវាកំណេីតនៃកងយោធពលខេមរភូមិន្ទ ។
គួររំលឹកដែរថា ដេីម្បីលេីកកម្ពស់មុខមាត់របស់គណ:មេធាវីនៃព្រះរាជាណាចក្រកម្ពុជា និងវិជ្ជាជីវ:មេធាវី ឯកឧត្តម លី ច័ន្ទតុលា ប្រធានគណ:មេធាវី បានស្នេីសុំគណ:កម្មាធិការជាតិរៀបចំបុណ្យជាតិ-អន្តរជាតិ ទទួលស្គាល់គណ:មេធាវីនៃព្រះរាជាណាចក្រកម្ពុជា ជាស្ថាប័នដែលមានតំណាងចូលរួមគ្រប់ពិធីបុណ្យជាតិនិងអន្តរជាតិ។ បន្ទាប់ពីឯកឧត្តមប្រធានគណ:មេធាវី បានខិតខំប្រឹងប្រែងជួបពិភាក្សាជាមួយ គណ:កម្មាធិការជាតិរៀបចំបុណ្យជាតិ-អន្តរជាតិ បានទទួលយកគណ:មេធាវីនៃព្រះរាជាណាចក្រកម្ពុជា ជាស្ថាប័នដែលមានតំណាងចូលរួមគ្រប់ពិធីបុណ្យជាតិនិងអន្តរជាតិ និងបានអញ្ជេីញតំណាងគណ:មេធាវីចូលរួមគ្រប់ពិធីបុណ្យផងដែរ។ រហូតមកដល់ពេលនេះ គណ:មេធាវីនៃព្រះរាជាណាចក្រកម្ពុជា បានចូលរួមកម្មវិធី តបតាមការអញ្ជេីញរបស់គណ:កម្មាធិការជាតិរៀបចំបុណ្យជាតិ-អន្តរជាតិ បានចំនួន ៤លេីក ៕
ដោយ : សិលា
