សារព័ត៌មាន នគរវត្ត តែងតែនាំមុខគេជានិច្ច
ការទន្ទឹងរង់ចាំរយៈពេល៤ឆ្នាំបានមកដល់ហើយ គឺជាព្រឹត្តិការណ៍ប្រកួតបាល់ទាត់ពិភពលោក World up នៅប្រទេសកាតា ចាប់ពីរាត្រីថ្ងៃនេះ(ថ្ងៃទី២០ ខែវិច្ឆិកា) ដល់ថ្ងៃទី១៨ ខែធ្នូ ឆ្នាំ២០២២។
សម្រាប់ថ្ងៃបើកឆាកដំបូងនៃព្រឹត្តិការណ៍បាល់ទាត់ពិភពលោកនេះគឺម្ចាស់ផ្ទះកាតាប្រកួតជាមួយក្រុមអេក្វាឌ័រ (ក្នុងពូល A)។ ការប្រកួតនេះធ្វើឡើងនៅពហុកីឡដ្ឋាន Al Bayt Stadium ទីក្រុងAl Khor ក្នុង ប្រទេសកាតាដែលជាម្ចាស់ផ្ទះ។ ក្នុងជំនួបនេះគេមើលឃើញថា កាតាអាចមានប្រៀបជាងគូប្រកួតដោយសារជាម្ចាស់ផ្ទះផង និងប្រវត្តិប្រកួតល្អជាងអេក្វាឌ័រផង ។
ខាងក្រោមនេះគឺព័ត៌មាន និងការវិភាគ សម្រាប់ក្រុមទាំង២៖
កាតា៖
បានចូលរួមព្រឹតិ្តការណ៍ World Cup ជាលើកដំបូងក្នុងនាមជាម្ចាស់ផ្ទះសម្រាប់វគ្គចែកពូលចុងក្រោយនេះ។ ក្រុមនេះធ្លាប់បានចូលរួមប្រកួតជម្រុះ World Cup តាមទ្វីបលើកដំបូងនៅក្នុងឆ្នាំ១៩៧៨ ដោយមិនធ្លាប់បានឡើងដល់វគ្គចុងក្រោយនោះទេ ប៉ុន្តែកាតាជាក្រុមខ្លាំងនៅតំបន់អាស៊ីដោយធ្លាប់ឈ្នះពានទ្វីបអាស៊ីផងដែរ។
គ្រូបង្វឹកលោក ៖ Félix Sánchez
អ្នកចាំទី ៖ Saad Al-Sheeb (Al-Sadd), Meshaal Barsham (Al-Sadd), Yousef Hassan (Al-Gharafa)។
ខ្សែការពារ ៖ Pedro Miguel (Al-Sadd), Musaab Khidir (Al-Sadd), Tarek Salman (Al-Sadd), Bassam Al-Rawi (Al-Duhail), Boualem Khoukhi (Al-Sadd), Abdelkarim Hassan (Al-Sadd), Ismaeel Mohammad (Al-Duhail), Homam Ahmed (Al-Gharafa), Jassem Gaber (Al-Arabi)។
ខ្សែបម្រើ ៖ Ali Asad (Al-Sadd), Assim Modibo (Al-Duhail), Mohammed Waad (Al-Sadd), Salem Al-Hajri (Al-Sadd), Moustafa Tarek (Al-Sadd), Karim Boudiaf (Al-Duhail), Abdelaziz Hatim (Al-Rayyan)។
ខ្សែប្រយុទ្ធ ៖ Naif Alhadhrami (Al-Rayyan), Ahmed Alaaeldin(Al-Gharafa), Hassan Al-Haydos (Al-Sadd), Khalid Muneer (Al-Wakrah), Akram Afif (Al-Sadd), Almoez Ali (Al-Duhail), Mohamed Muntari (Al-Duhail)។
៥ប្រកួតចុងក្រោយរស់កាតាគឺឈ្នះ៤ប្រកួត និងស្មើ១ប្រកួត។ ៣ប្រកួតចុងក្រោយរបស់ក្រុមជម្រើសជាតិកាតាគឺឈ្នះក្រុមជម្រើសជាតិហុងដូរ៉ាស់១–០ ក្នុងផ្ទះ (ជំនួបមិត្តភាពអន្តរជាតិ), ឈ្នះប៉ាណាម៉ា ២–១ ក្នុងផ្ទះ (ជំនួបមិត្តភាពអន្តរជាតិ) និងឈ្នះអាល់ប៉ានៀ ១-០ ក្នុងផ្ទះ (ជំនួបមិត្តភាពអន្តរជាតិ) ។
អេក្វាឌ័រ៖
បានចូលរួមព្រឹតិ្តការណ៍ World Cup ចំនួន៤ដងបូករួមទាំងលើកនេះដោយក្រុមនេះបានចូលរួមលើកដំបូងគឺនៅក្នុងឆ្នាំ២០០២ និងធ្លាប់បានឡើងដល់វគ្គ១៦ក្រុមចុងក្រោយម្តងក្នុងឆ្នាំ២០០៦។
គ្រូបង្វឹកលោក ៖ Gustavo Julio
អ្នកចាំទី ៖ Moises Ramirez (Independiente del Valle), Alexander Dominguez (LDU Quito), Hernan Galindez (Aucas)។
ខ្សែការពារ ៖ Piero Hincapie (Bayer Leverkusen), Robert Arboleda (Sao Paulo), Pervis Estupinan (Brighton), Angelo Preciado (Genk), Jackson Porozo (Troyes), Xavier Arreaga(Seattle Sounders), Diego Palacios (Los Angeles FC), Felix Torres (Santos Laguna), William Pacho (Royal Antwerp)។
ខ្សែបម្រើ ៖ Carlos Gruezo (FC Augsburgo), Jose Cifuente (Los Angeles FC), Alan Franco (Talleres), Moises Caicedo(Brighton), Angel Mena (Club Leon), Jeremy Sarmiento (Brighton), Jhegson Méndez (Los Angeles FC), Ayrton Preciado (Santos Laguna), Gonzalo Plata (Real Valladolid), RomarioIbarra (Santos Laguna)។
ខ្សែប្រយុទ្ធ ៖ Djorkaeff Reasco (Newell’s Old Boys), Kevin Rodriguez (Imbabura), Michael Estrada (Cruz Azul), EnnerValencia (Fenerbahce)។
៥ប្រកួតចុងក្រោយរស់អេក្វាឌ័រគឺឈ្នះ១ប្រកួត និងស្មើ៤ប្រកួត។ ៣ប្រកួតចុងក្រោយរបស់ក្រុមជម្រើសជាតិអេក្វាឌ័រគឺស្មើជាមួយក្រុមជម្រើសជាតិអារ៉ាប៊ីសាអ៊ូឌីរ ០–០ ក្រៅផ្ទះ (ជំនួបមិត្តភាពអន្តរជាតិ), ស្មើជាមួយក្រុមជម្រើសជាតិជប៉ុន ០-០ ក្រៅផ្ទះ (ជំនួបមិត្តភាពអន្តរជាតិ) និងស្មើជាមួយក្រុមអ៊ីរ៉ាក់ ០–០ ក្នុងផ្ទះ (ជំនួបមិត្តភាពអន្តរជាតិ) ។
ប្រវត្តិជួបគ្នា១ប្រកួតសម្រាប់គូនេះ
១២/១០/១៨ : កាតា ៤ទល់៣ អេក្វាឌ័រ
ការទស្សន៍ទាយ និងទស្សនៈផ្សេងៗ៖
ទស្សនៈWDW: គូនេះស្មើគ្នា ០:០
ទស្សនៈSV: គូនេះស្មើគ្នា ០:០
ទស្សនៈAsianB: កាតាអាចឈ្នះ ។
សូមបញ្ជាក់ថា កាតា និងអេក្វាឌ័រស្ថិតក្នុងពូល A ដែលប្រទេស២ទៀតគឺ ហុល្លង់ និងសេណេហ្គាល់។ ការប្រកួតនេះធ្វើឡើងនៅវេលាម៉ោង១១យប់ម៉ោងនៅកម្ពុជារាត្រីថ្ងៃអាទិត្យទី២០ ខែវិច្ឆិកា ឆ្នាំ២០២២ ៕
ដោយ៖ ភារៈ
