សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ ៖ នៅវេលាម៉ោង១៨:១៥នាទី ថ្ងៃទី២១ ខែវិច្ឆិកា ឆ្នាំ២០២២ មានករណីគ្រោះថ្នាក់ចរាចរណ៍មួយ រវាងរថយន្តធុនធំ ចំនួន ០២គ្រឿង បានបុកប៉ះគ្នាពេញទំហឹង ក្នុងទិសដៅបញ្រ្ចាសគ្នា លើផ្លូវជាតិលេខ៤ ត្រង់ចន្លោះគីឡូម៉ែត្រលេខ: ១៤១-១៤២ ស្ថិតភូមិចំការហ្លួង ឃុំចំការហ្លួង ស្រុកកំពង់សីលា ខេត្តព្រះសីហនុ។ នេះបើយោងតាមការបញ្ជាក់ឱ្យដឹងពី កងរាជអាវុធហត្ថខេត្តព្រះសីហនុ នៅយប់ថ្ងៃទី២១ ខែវិច្ឆិកា ឆ្នាំ២០២២។
សមត្ថកិច្ចកងរាជអាវុធហត្ថខេត្តបានបញ្ជាក់ថា, ហេតុការណ៍នេះ បណ្តាលឱ្យមនុស្សប្រុស ស្រី រងរបួសធ្ងន់ពីរនាក់ ស្រាល ០១នាក់។
សមត្ថកិច្ចបានបន្តថា, ចំពោះមុខ កម្លាំងអាវុធហត្ថស្នាក់ការសន្តិសុខ៤០២ នៃមូលដ្ឋានកងរាជអាវុធហត្ថស្រុកកំពង់សីលា សហការនឹងកម្លាំងនគរបាលផ្នែកចរាចរណ៍ កំពុងចុះជួយសង្រ្គោះ សម្រួលចរាចរណ៍ បញ្ជៀសការកកស្ទះនៅលើដងផ្លូវទីតាំងកន្លែងកើតហេតុ ៕
ដោយ : សិលា
