សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ យោងតាមរបាយការណ៍របស់ស្នងការដ្ឋាននគរបាលខេត្តបាត់ដំបង នៅយប់ថ្ងៃទី២២ ខែវិច្ឆិកា ឆ្នាំ២០២២នេះ បានឱ្យដឹងថា លោកវរសេនីយ៍ទោ យុត តុងហូ អធិការនគរបាលស្រុកសង្កែ បានដឹកនាំកម្លាំងផ្នែកប្រឆាំងគ្រឿងញៀនស្រុក ចុះបង្ក្រាបករណីរក្សាទុកដោយខុសច្បាប់នូវសារធាតុញៀន០១ករណី ក្នុងបទល្មើសជាក់ស្តែង ដោយឃាត់ជនសង្ស័យម្នាក់។
របាយការណ៍ដដែលបន្តថា ករណីឃាត់ខ្លួនជនសង្ស័យខាងលេីនេះ បានធ្វេីឡេីងកាលពីវេលាម៉ោង ៣រសៀលថ្ងៃទី២២ ខែវិច្ឆិកានេះ នៅចំណុចក្រុម០៤ ភូមិបេង ឃុំអន្លង់វិល ស្រុកសង្កែ ខេត្តបាត់ដំបង។
ជនសង្ស័យមានឈ្មោះ ជុំ រស្មី ភេទប្រុស អាយុ ៣៧ឆ្នាំ មានទីលំនៅភូមិអន្លង់វិល ឃុំអន្លង់វិល ស្រុកសង្កែ ខេត្តបាត់ដំបង។
ចំណែកវត្ថុតាងចាប់យកបានរួមមាន៖
-ម្សៅក្រាមពណ៍សថ្លាច្រកក្នុងថង់ប្លាស្ទិកថ្លាចំនួន០១ថង់ ទម្ងន់៣,៩០ក្រាម ទាំងសំបកថង់សង្ស័យមានសារធាតុញៀន
-ប្រាក់រៀលចំនួន៥០,០០០រៀល(ប្រាំមុឺនរៀល)
-ទូរសព្ទ័ដៃ០២គ្រឿងចាស់
-ម៉ូតូចំនួន០១គ្រឿង ម៉ាកហុងដាឃ្លីកពណ៌សសេរីឆ្នាំ២០២១ ស្លាកលេខ បាត់ដំបង1AN4543លេខតួ-លេខ ម៉ាស៊ីន ND125ME9004357
បច្ចុប្បន្ននគរបាលស្រុកកំពុងកសាងសំណុំរឿងចាត់ ការបន្តតាមនីតិវិធីច្បាប់៕
ដោយ៖សហការី
