អ៊ុីស្រាអែលនឹងមានរដ្ឋាភិបាលថ្មីនាពេលដ៏ខ្លីខាងមុខ

ចែករំលែក៖

នៅថ្ងៃទី១ ខែធ្នូ គណបក្ស Likud របស់លោក Benjamin Netanyahu និងគណបក្ស សាសនា Zionist (RZP) បានចុះហត្ថលេខាលើកិច្ចព្រមព្រៀងចម្រុះមួយ។ ទោះបីជាយ៉ាងណាក៏ដោយ ជាមួយនឹងរដ្ឋាភិបាលមួយដែលត្រូវបានចាត់ទុកថាជារដ្ឋាភិបាលផ្តាច់ការបំផុតក្នុងប្រវត្តិសាស្ត្រ អាចនឹងបន្តធ្វើឱ្យទំនាក់ទំនងរវាងអុីស្រាអែល និងប៉ាឡេស្ទីនមានហានិភ័យនៃការធ្លាក់ចូលទៅក្នុងភាពតានតឹងថ្មីមួយ។
ថ្លែងបន្ទាប់ពីការចុះហត្ថលេខាលើកិច្ចព្រមព្រៀងសម្ព័ន្ធភាពជាមួយគណបក្សសាសនា Zionist (RZP) លោក Benjamin Netanyahu មិនអាចលាក់បាំងភាពសប្បាយរីករាយរបស់គាត់បានទេ ហើយបាននិយាយថានេះគឺជាជំហានដ៏សំខាន់មួយឆ្ពោះទៅរកការបង្កើតរដ្ឋាភិបាលថ្មី។
លោក Netanyahu បាននិយាយថា “ខ្ញុំនឹងបង្កើតរដ្ឋាភិបាលជាតិមួយ ដើម្បីថែរក្សាពលរដ្ឋអុីស្រាអែលទាំងអស់ ហើយខ្ញុំទទូចដោយគ្មានករណីលើកលែងពីនរណាម្នាក់ឡើយ គឺប្រជាជនអុីស្រាអែលទាំងអស់”។
ការចុះហត្ថលេខាលើកិច្ចព្រមព្រៀងសម្ព័ន្ធភាពជាមួយគណបក្ស សាសនា Zionist (RZP) ត្រូវបានចាត់ទុកថាជា “ផ្លែផ្កា” សម្រាប់លោក Netanyahu បន្ទាប់ពីកិច្ចខិតខំប្រឹងប្រែងមិនចេះនឿយហត់នាពេលថ្មីៗនេះ។ ការចរចារវាងគណបក្ស Likud និង RZP កាលពីមុនបានឈានដល់ការជាប់គាំងដោយសារតែការចោទប្រកាន់គ្នាទៅវិញទៅមក ដោយ RZP បានរិះគន់ Likud ចំពោះការមិនរក្សាការសន្យារបស់ខ្លួន ហើយ Likud បានប្រកែកថា RZP បានទាមទារច្រើនពេកជាថ្នូរនឹងការចូលរួមក្នុងសម្ព័ន្ធភាព ដូចជាការទាមទាររបស់គណបក្សដើម្បីតែងតាំងលោក Betzalel Smotrich ជារដ្ឋមន្ត្រីការពារជាតិ៕ន ដោយ៖ ធីរីណា