សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ជិះម៉ូតូធ្វេីសកម្មភាពឆក់យកកាបូបលុយពីជនជាតិចិនម្នាក់តែមិនបានសម្រេចព្យាយាមជិះម៉ូតូគេចខ្លួនតែគេចមិនរួចត្រូវបានសមត្ថកិច្ចឃាត់ខ្លួនបានភ្លាមៗ កាលពីវេលាម៉ោង៦និ២០នាទីល្ងាចថ្ងៃទី២៨ ខែធ្នូ ឆ្នាំ២០២២ នៅចំណុចភ្លើងស្តុបយូអេង តាមបណ្តោយមហាវិថីសហព័ន្ធរុស្ស៊ី ភូមិក្បាលដំរីទី២ សង្កាត់កាកាបទី២ ខណ្ឌពោធិ៍សែនជ័យ។
ជនសង្ស័យឈ្មោះសរ សម្បត្តិ ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅបន្ទប់ជួលលេខ១៧ ក្នុងភូមិប៉ប្រកជេីង សង្កាត់កាកាបទី១ ខណ្ឌពោធិ៍សែនជ័យ។
តាមសម្តីសារភាពរបស់ជនសង្ស័យបានឱ្យដឹងថា មុនពេលកេីតហេតុរូបគេបានជិះម៉ូតូចេញពីបន្ទប់ជួលហេីយបានជិះនៅមុខព្រលានយន្តហោះពោធិ៍ចិនតុងទៅមកៗ បន្ទាប់មកក៏ឃេីញជនជាតិចិនម្នាក់ឈរស្ពាយកាកាបលុយក្បែររថយន្តមួយគ្រឿងក៏ជិះទៅធ្វេីសកម្មភាពឆក់យកកាបូបលុយតែមិនបានសម្រេច។
ប្រភពដដែលបន្តថា បន្ទាប់មករូបគេក៏ព្យាយាមជិះម៉ូតូគេចខ្លួន តែមានប្រជាពលរដ្ឋដេញតាមពីក្រោយស្រែកថាចោរៗ ស្របពេលកម្លាំងនគរបាលល្បាតនៅទីនោះក៏ឃាត់ខ្លួនបានភ្លាមៗតែម្តង។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌដេីម្បីចាត់ការបន្ត៕
ដោយ៖សុខាសែនជ័យ
