សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅវេលាម៉ោង ១២៖៣០ នាទីថ្ងៃត្រង់ ថ្ងៃសៅរ៍ ១រោច ខែបុស្ស ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៧ ខែមករា ឆ្នាំ២០២៣ មានករណីអគ្គិភ័យមួយកន្លែងបានកើតឡើងនៅចំណុច យាន្តដ្ឋានថែទាំរថយន្តជីងស៊ូ ផ្លូវ១០៦ សង្កាត់ផ្សារដើមថ្កូវ ខណ្ឌចំការមន បណ្ដាលឱ្យរងការខូចខាតបន្ទប់ជាន់ទី១ទាំងស្រុង និងសម្ភារៈជាច្រេីនទៀត ។
សមត្ថកិច្ចបានឱ្យដឹងថា ម្ចាស់ទីតាំងឈ្មោះ ជីង ស៊ូ ភេទ ប្រុស អាយុ ៣៥ ឆាំ្ន សញ្ជាតិចិន មុខរបរ ម្ចាស់យាន្តដ្ឋាន ។ ផ្ទះរងគ្រោះជាប្រភេទសំណង់ផ្ទះល្វែងទំហំ ០៤ម៉ែត្រគុណ ១៩ម៉ែត្រ ដោយឆេះបន្ទប់ជាន់ទី០១ ទំហំ០៤ម៉ែត្រគុណ ០៦ម៉ែត្ររួមមានសម្ភារៈគ្រឿងអេឡិចត្រូនិចអស់ទាំងស្រុងនឹងពុំបណ្ដាលឱ្យឆេះរាលដាលដល់អ្នកក្បែរខាងឡើយ ។
ក្នុងករណីអគ្គិភ័យខាងលេីនេះ កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ កម្លាំងជំនាញតាមអង្គភាពផ្សេងដែលចូលរួមសហការ បានប្រើប្រាស់ទឹកអស់ចំនួន១៣គ្រឿង ដោយពន្លត់ចប់នៅវេលាម៉ោង ១៣:៣០ នាទីរសៀល នាថ្ងៃខែឆ្នាំដដែល ។
ដោយករណីនេះមិនបណ្ដាលឱ្យមនុស្សរងរបួស ឬគ្រោះថ្នាក់ដល់អាយុជីវិតនោះឡេីយ ចំពោះមូលហេតុសមត្ថកិច្ចកំពុងធ្វេីការស្រាវជ្រាវ ៕
ដោយ ៖ ភារ៉ា ដង្កោ
