សារព័ត៌មាន នគរវត្ត តែងតែនាំមុខគេជានិច្ច
យោងតាមការវិភាគរបស់ Deloitte បានឱ្យដឹងថា ច្រើនជាងពាក់កណ្តាលនៃក្លិបដែលមានជាងគេបំផុតនៅលើពិភពលោកដោយប្រាក់ចំណូលគឺមកពី Premier League ។
ក្លិបចំនួន១១នៅ Premier League ដែលមានក្រុមកំពូលទាំង២០នៅក្នុងការសិក្សារបស់ Money League របស់ពួកគេចាប់ពីរដូវកាល ២០២១–២០២២។ នេះជាលើកដំបូងក្នុងរយៈពេល២៦ឆ្នាំនៃការសិក្សាដែលក្លិបជាងពាក់កណ្តាលមកពីលីកដូចគ្នា។
ម្ចាស់ជើងឯក Manchester City រក្សាបានចំណាត់ថ្នាក់កំពូលដោយធ្វើបានប្រាក់ចំណូល៧៣១លានអឺរ៉ូ នាំមុខ Real Madrid ដែលរកបាន៧១៣.៨លានអឺរ៉ូ។
Liverpool ឡើងមកលេខ៣ពីលេខ៧ ខណៈ Manchester United, Chelsea, Tottenham និង Arsenal ក៏ឈរនៅកំពូលតារាងទាំង១០ដែរ រីឯក្លិប West Ham, Leicester, Leeds, Everton និង Newcastle ស្ថិតក្នុងចំណាត់ថ្នាក់កំពូលទាំង២០។ ក្លិបកំពូលទាំង២០រកបាន៩.២ពាន់លានអឺរ៉ូ កើនឡើង១៣% ពីឆ្នាំ២០២០–២០២១។
ការកើនឡើងនេះគឺភាគច្រើនធ្លាក់ទៅលើការត្រលប់មកវិញរបស់អ្នកគាំទ្រទៅកាន់កីឡដ្ឋានសម្រាប់រដូវកាលពេញដំបូងបន្ទាប់ពីការរឹតបន្តឹង Covid-19 ជាមួយនឹងប្រាក់ចំណូលប្រចាំថ្ងៃកើនឡើងពី១១១លានអឺរ៉ូដល់១.៤ពាន់លានអឺរ៉ូ។
ក្លិបធំៗទាំង៥របស់ Premier League មាន Chelsea, Liverpool, Manchester City, Manchester United និង Tottenham Hotspur បានរាយការណ៍ថា ប្រាក់ចំណូលកើនឡើង១៥% ឬច្រើនជាងនេះ។ នោះបានមើលឃើញការកើនឡើងសរុបចំនួន២២៦លានអឺរ៉ូ។
ប្រាក់ចំណូលពាណិជ្ជកម្មបានកើនឡើង៨% ពី៣.៥ពាន់លានអឺរ៉ូដល់៣.៨ពាន់លានអឺរ៉ូ ប៉ុន្តែមាន១១% (៤៨៥លានអឺរ៉ូ) ធ្លាក់ចុះនៅក្នុងប្រាក់ចំណូលនៃការផ្សាយ។ តួរលេខកាលពីរដូវកាលមុនគឺខ្ពស់ជាងធម្មតា ដោយសារការពន្យារពេលការប្រកួតពីរដូវកាល២០១៩–២០២០ដែលកំពុងលេង ៕
ដោយ៖ ភារៈ(រូបភាព ៖ BBC Sport)
