សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តដឹកហ្គាសក្រុមហ៊ុនតេលានិងរថយន្តម៉ាកព្រូសបេីកបរបញ្ច្រាសទិសដៅចរាចរណ៍ដូចគ្នាហេីយបានកៀរគ្នាបណ្តាលឱ្យគាបជាប់គ្នារងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង៣និង៤០នាទីរសៀល ថ្ងៃទី២៤ ខែមករា ឆ្នាំ២០២៣ នៅចំណុចរង្វង់មូលស្ពានអាកាសមហាវិថិឈ្នះ=ឈ្នះ ស្ថិតក្នុងភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
រថយន្តដឹកហ្គាសក្រុមហ៊ុនតេលា ពាក់ស្លាកលេខភ្នំពេញ3F-0050 ចំណែករថយន្តព្រូស ពណ៌ស ពាក់ស្លាកលេខភ្នំពេញ2BQ-9498 ។
តាមប្រភពព័ត៌មានបានឱ្យដឹងថា មុនពេលកេីតហេតុរថយន្តទាំងពីរគ្រឿងធ្វេីដំណេីរតាមមហាវិថីឈ្នះ=ឈ្នះ ក្នុងទិសដៅពីជេីងទៅត្បូង ពេលមកដល់ចំណុចរវង្វង់មូលក៏បេីកបញ្ច្រាសទិសដៅចរាចរណ៍ទាំង២គ្រឿងដោយរថយន្តក្រុមហ៊ុនតេលាបេីកខាងមុខ ។ ភ្លាមនោះរថយន្តក្រុមហ៊ុនតេលាក៏បានបត់ស្តាំហេីយរថយន្តព្រូសបំណងចង់វ៉ាខាងឆ្វេងទៀតនោះក៏ត្រូវរថយន្តក្រុមហ៊ុនតេលាកៀរគាបជាប់រងការខូចខាត តែសំណាងដែរដែលមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុបាញ់ថ្នាំឱ្យរថយន្តទាំងពីរគ្រឿងអែបខាងដេីម្បីឱ្យភាគីទាំងសងខាងសម្រួលគ្នា៕
ដោយ៖សុខាសែនជ័យ
