សារព័ត៌មាន នគរវត្ត តែងតែនាំមុខគេជានិច្ច
ក្លិប Cardiff City បានតែងតាំងអតីតគ្រូបង្វឹក Nottingham Forest លោក Sabri Lamouchi ជាអ្នកចាត់ការទី៣របស់ខ្លួនក្នុងរដូវកាលនេះ។លោក Lamouchi អាយុ៥១ឆ្នាំនឹងត្រូវបានចូលរួមដោយអតីតខ្សែការពារក្រុម Bluebirds លោក Sol Bamba ដែលនឹងជួយអតីតអ្នកចាត់ការទូទៅក្រុមជម្រើសជាតិកូតឌីវ័ររបស់គាត់។
កិច្ចសន្យារបស់លោក Lamouchi នៅកីឡដ្ឋាន Cardiff City ត្រូវបានគេយល់ថា នឹងដំណើរការរហូតដល់ចុងបញ្ចប់នៃរដូវកាលនេះ។
Cardiff បានបណ្តេញលោក Steve Morison កាលពីខែកញ្ញា ខណៈដែលអ្នកស្នងតំណែងរបស់គាត់គឺលោក Mark Hudson ដោយដឹកនាំមានរយៈពេលត្រឹមតែ១១៨ថ្ងៃប៉ុណ្ណោះ។ លោក Dean Whitehead ដែលជាអ្នកចាត់ការចាំផ្ទះ នឹងបន្តនៅក្លិបនេះ ជាផ្នែកនៃបុគ្គលិកផ្នែកខាងក្រោយរបស់លោក Lamouchi ។
ការតែងតាំងលោក Lamouchi គឺដើម្បីរក្សាក្រុម Cardiff ក្នុងក្របខ័ណ្ឌ Championship ដោយក្លិបនេះ ឈរនៅពីលើតំបន់កាត់ចោលក្នុងចំណាត់ថ្នាក់ទី២១ និងគ្មានការឈ្នះក្នុង១១ប្រកួតក្នុងគ្រប់ការប្រកួតទាំងអស់។
ម្ចាស់ក្លិប Cardiff លោក Vincent Tan បានប្រាប់គេហទំព័ររបស់ក្លិបថា “ការតែងតាំងរបស់គាត់បានធ្វើឡើងបន្ទាប់ពីរយៈពេលនៃការពិចារណាយ៉ាងម៉ត់ចត់ និងការឆ្លុះបញ្ចាំងអំពីអ្វីដែលល្អបំផុតសម្រាប់ក្លិបរបស់យើង។ខ្ញុំជឿជាក់ថា លោក Lamouchi នឹងអាចផ្តល់នូវអ្វីដែលយើងដឹងថាក្រុមនេះមានសមត្ថភាពសម្រេចបាន ហើយខ្ញុំទន្ទឹងរង់ចាំការប្រកួតដែលយើងមាននៅខាងមុខ។ ខ្ញុំក៏ចង់ស្វាគមន៍ការត្រលប់មកវិញរបស់លោក Sol Bamba ដែលជាមនោសញ្ចេតនាដែលខ្ញុំដឹងថា អ្នកគាំទ្រនឹងចែករំលែក“។
ក្រុមប្រឹក្សាភិបាលក្លិប Cardiff អះអាងថា បទពិសោធន៍នៃការគ្រប់គ្រងក្នុងការប្រកួត Championship គឺចាំបាច់នៅពេលដែលពួកគេបានស្វែងរកអ្នកជំនួសលោក Hudson ។
លោក Lamouchi បានគ្រប់គ្រងលើក្លិប Nottingham Forest នៅពេលដែលពួកគេត្រូវបានទម្លាក់ទៅវគ្គ Play-off ដោយ Cardiff និង Swansea City លើការស៊ុតបញ្ចូលទីក្នុងថ្ងៃចុងក្រោយនៃរដូវកាល២០១៩–២០២០ ដែលជាយុទ្ធនាការដំបូងរបស់គាត់នៅក្នុងតួនាទីជាគ្រូបង្វឹក។ គាត់ត្រូវបានជំនួសដោយលោក Chris Hughton នៅខែតុលា ឆ្នាំ២០២០ បន្ទាប់ពីការចាប់ផ្តើមមិនល្អនៅរដូវកាលបន្ទាប់។
ចាប់តាំងពីពេលនោះមក បុរសសញ្ជាតិបារាំងរូបនេះបានដឹកនាំក្រុម Al-Duhail របស់កាតា ដោយធ្លាប់ធ្វើការនៅ Ligue 1 ក្នុងនាមជាអ្នកចាត់ការក្លិប Rennes ដោយបានដឹកនាំពួកគេឱ្យទៅចំណាត់ថ្នាក់ទី៥មុនពេលចូលកាន់តំណែងនៅ City Ground ។ អតីតខ្សែបម្រើរូបនេះមានអាជីពជាកីឡាករឆ្នើមក្នុងអំឡុងពេលដែលគាត់បានឈ្នះពានរង្វាន់ជាមួយក្រុម Auxerre, Monaco, Parma, Marseille និង El Jaish ក្នុងប្រទេសកាតា ៕
ដោយ៖ ភារៈ(រូបភាព ៖ BBC Sport)
