សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យោងតាមផេកផ្លូវការរបស់អគ្គស្នងការនគរបាលជាតិបានឲ្យដឹង នោព្រឹកថ្ងៃទី១៤ខែកុម្ភៈឆ្នាំ២០២៣នេះថា នៅថ្ងៃទី ១៣ ខែ កុម្ភៈ ឆ្នាំ ២០២៣វេលាម៉ោង១១និង៣០នាទីថ្ងៃត្រង់ ស្ថិតនៅភូមិចំការឪឡឹក០២ សង្កាត់កាកាបទី២ ខណ្ឌពោធិ៍សែនជ័យ លោកវរសេនីយ៍ឯក ម៉ន វុធី អធិការនៃអធិការដ្ឋាននគរបាលខណ្ឌពោធិ៍សែនជ័យបានដឹកនាំលោក អធិការរង នាយប៉ុស្តិ៍និងមន្ត្រីពាក់ព័ន្ធមួយចំនួនទៀតសហការជាមួយកម្លាំងគណៈបញ្ជាការឯកភាពសង្កាត់ចុះធ្វើរដ្ឋបាល ឃាត់ខ្លួនជនសង្ស័យចំនួន០៣នាក់ ពាក់ព័ន្ធករណីប្រេីប្រាស់សារធាតុញៀន។
ដោយដកហូតវត្ថុតាំងរួមមាន ៖ ម្ស៉ៅក្រាមសថ្លាសង្ស័យជាសារធាតុញៀនចំនួន០៦កញ្ចប់ និងសំភារៈមួយចំនួនទៀត។
ជនសង្ស័យទី១ឈ្មោះ ងួន រ៉ាវី ភេទប្រុសអាយុ៤១ឆ្នាំ មុខរបរសន្តិសុខ ទី២ឈ្មោះ វន ទិត្យ ភេទប្រុសអាយុ២៧ឆ្នាំ មុខរបរជាងភ្លេីង ទី៣ឈ្មោះ យាង ម៉េងស្រ៊ាង ភេទប្រុសអាយុ៤២ឆ្នាំ មុខរបរជាងផ្សារដែក។
បច្ចុប្បន្នជនសង្ស័យត្រូវកម្លាំងនគរបាលនៃអធិការខណ្ឌកំពុងសាកសួរដេីម្បីកសាងសំណុំរឿងបញ្ជូនទៅកាន់តុលាការចាត់ការតាមផ្លូវច្បាប់៕
ដោយ៖សុខាសែនជ័យ
