សារព័ត៌មាន នគរវត្ត តែងតែនាំមុខគេជានិច្ច
យោងតាមអ្នកឆ្លើយឆ្លងព័ត៌មានវៀតណាមប្រចាំប្រទេសជប៉ុន នៅថ្ងៃទី ១៤ ខែកុម្ភៈបានបញ្ជាក់ថា ក្រសួងការពារជាតិជប៉ុនបាននិយាយថា កងកម្លាំងស្វ័យការពាររបស់ប្រទេសនេះនឹងចូលរួមក្នុងសមយុទ្ធ Cobra Gold ប្រចាំឆ្នាំដែលនឹងប្រព្រឹត្តទៅចាប់ពីថ្ងៃទី២៨ ខែកុម្ភៈដល់ថ្ងៃទី ១ ខែមីនានៅប្រទេសថៃឡង់។
ក្រសួងការពារជាតិជប៉ុនបាននិយាយថា ក្រៅពីសមយុទ្ធប្រចាំឆ្នាំនៃការការពារពលរដ្ឋ ជំនួយមនុស្សធម៌ ជំនួយសង្គ្រោះគ្រោះមហន្តរាយ និងការឆ្លើយតបទៅនឹងការវាយប្រហារតាមអុីនធឺណេត។ សមយុទ្ធ Cobra Gold ឆ្នាំ2023 នឹងក្លាយជាសមយុទ្ធលើកទីមួយ ដែលក្រសួងការពារជាតិជប៉ុនបាននិយាយថា សមយុទ្ធឆ្លើយតបការវាយប្រហារលើលំហអាកាសនៅឯមូលដ្ឋានទ័ពអាកាសថៃក្នុងខេត្ត Rayong ជាមួយនឹងស្ថានភាពវាយប្រហារដោយផ្កាយរណប ហើយប្រទេសនានានឹងរួបរួមគ្នាចាត់វិធានការដើម្បីការពារហេដ្ឋារចនាសម្ព័ន្ធប្រព័ន្ធ ប្រព័ន្ធកំណត់ទីតាំងសកល (GPS)។
ក្រសួងការពារជាតិជប៉ុននឹងបញ្ជូនទាហានប្រមាណ១៣០នាក់ និងយន្តហោះដឹកជញ្ជូន C130H មួយគ្រឿង ដើម្បីចូលរួមក្នុងសមយុទ្ធនេះ។ គោលដៅគឺដើម្បីពង្រឹងកិច្ចសហប្រតិបត្តិការលើវិស័យការពារជាតិជាមួយសហរដ្ឋអាមេរិក និងប្រទេសថៃ ហើយក្នុងពេលជាមួយគ្នានេះ ជំរុញទំនាក់ទំនងជាមួយបណ្តាប្រទេសនៃសមាគមប្រជាជាតិអាស៊ីអាគ្នេយ៍ (អាស៊ាន)។
Cobra Gold គឺជាសមយុទ្ធពហុភាគីដ៏ធំបំផុតនៅក្នុងតំបន់អាស៊ីប៉ាស៊ីហ្វិក ដោយមានប្រទេសចូលរួមជាផ្លូវការចំនួន 7 គឺ ជប៉ុន អាមេរិក ថៃ កូរ៉េខាងត្បូង ឥណ្ឌូនេស៊ី ម៉ាឡេស៊ី និងសិង្ហបុរី។
លើសពីនេះ ចិន ឥណ្ឌា និងអូស្ត្រាលីនឹងចូលរួមនៅក្នុងសមត្ថភាពមានកម្រិតនៅក្នុងសមយុទ្ធមួយចំនួន៕
ដោយ៖ ធីរីណា(រូបថត ៖ TTXVN-VNA)
