សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្មេងស្រីម្នាក់បានរងរបួសធ្ងន់ធ្ងរហេីយបានស្លាប់ពេលបញ្ជូនទៅសង្គ្រោះនៅមន្ទីរពេទ្យខណៈជិះម៉ូតូត្រូវបានរថយន្តឃ្លុបដឹកទំនិញបេីកបុកកិនអូសជាច្រេីនម៉ែត្រកាលពីវេលាម៉ោង៤រសៀលថ្ងៃទី១៧ ខែកុម្ភៈ ឆ្នាំ២០២៣ នៅចំណុចជាប់របងវត្តព្រៃស្ពឺខាងកេីត ផ្លូវបេតុង ភូមិព្រៃស្ពឺ សង្កាត់ចោមចៅទី២ ខណ្ឌពោធិ៍សែនជ័យ។
ក្មេងស្រីរងគ្រោះឈ្មោះ ម៉ៅ ស្រីឡែន ភេទស្រីអាយុ១៥ឆ្នាំ ស្នាក់ភូមិព្រៃស្ពឺ សង្កាត់ចោមចៅទី២ ខណ្ឌពោធិ៍សែនជ័យ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញក្មេងស្រីរងគ្រោះជិះម៉ូតូម៉ាកធូដេ ពណ៌ខៀវ ពាក់ស្លាកលេខភ្នំពេញ1GO 6010 ធ្វេីដំណេីរតាមបណ្តោយផ្លូវបេតុងក្នុងទិសដៅពីត្បូងទៅជេីងខណៈមកដល់ចំណុចកេីតហេតុបំណងបត់ឆ្វេងទៅលិចស្រាប់តែមានរថយន្តឃ្លុបដឹកទំនិញ ពណ៌ស ពាក់ស្លាកលេខភ្នំពេញ3D 0251 ធ្វេីដំណេីរក្នុងទិសដៅពីលិចទៅកេីតក៏ជ្រុលបុកកិនអូសប្រហែលជិត១០០ម៉ែត្របណ្តាលឲ្យក្មេងស្រីរងរបួសបាក់ជេីងធ្ងន់ធ្ងរ ។
ក្រោយកេីតហេតុជនរងគ្រោះត្រូវបានបងប្អូនដឹកតាមរ៉ឺម៉កបញ្ជូនទៅង្គ្រោះនៅមន្ទីរពេទ្យភ្លាមៗតែដោយអកុសលជនរងគ្រោះក៏បានស្លាប់ពេលបញ្ជូនទៅដល់មន្ទីរពេទ្យ។ចំណែករថយន្តបង្កនិងម៉ូតូត្រូវបានសមត្ថកិច្ចធ្វេីការវាស់វែងយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីរង់ចាំដោះស្រាយពេលក្រោយ៕
ដោយ៖សុខាសែនជ័យ
