ព័ត៌មានទាន់ហេតុការណ៍៖

រុឺម៉កលក់នំបុកជាមួយម៉ូតូសិស្សសាលាធ្លាក់ម៉ូតូចូលប្រឡាយទឹករងរបួសធ្ងន់ស្រាល៤នាក់

ចែករំលែក៖

ភ្នំពេញ​៖​ ក្មេងស្រីសិស្សសាលាចំនួន៣នាក់បានរងរបួសធ្ងន់និងស្រាលត្រូវបានបញ្ជូនទៅមន្ទីរពេទ្យភ្លាមៗបន្ទាប់ពីជិះម៉ូតូទៅសាលារៀនជួបគ្រោះថ្នាក់ចរាចរណ៍ជ្រុលទៅបុកជាមួយរុឺម៉កលក់នំបញ្ចុកធ្វើឱ្យរេចង្កូតធ្លាក់ចូលប្រឡាយទឹក។ 

    ហេតុការណ៍​នេះបានកេីតឡេីងកាលពីវេលា​ម៉ោង​១៣និង៣០នាទី​ ថ្ងៃ​ទី​២៣ខែកុម្ភៈ​ឆ្នាំ​២០២៣ននៅចំណុច​ផ្លូវ​ ជាតិ​លេខ​៤ ភូមិ​អង្គ​កែវ​ សង្កាត់​ចោមចៅ​ទី៣​ ខណ្ឌ​ពោធិ៍​សែនជ័យ​ រាជធានី​ភ្នំពេញ។ 

    ម្ចាស់រ៉ឺម៉កមានឈ្មោះ​ ភ័ក្រ្ក មករា​ ភេទ​ប្រុស អាយុ​២៤ឆ្នាំ​ មុខរបរ​លក់នំ​ មានទីលំនៅ​បច្ចុប្បន្ន​ភូមិ​ទួល​ត្នោត​  ឃុំ​ទួល​ត្នោត​ ស្រុក​អង្គស្នួល ខេត្ត​កណ្ដាល​ ។ 

ចំណែកសិស្សសាលាទី១-ឈ្មោះ​ តាល់​ ស្រីពេជ្រ​ ភេទ​ស្រី អាយុ​១៤ឆ្នំា មុខរបរ​សិស្ស​  បច្ចុប្បន្ន​ស្នាក់​នៅ​ភូមិ​កន្ទោក​ខាងជើង​ សង្កាត់​កន្ទោក ខណ្ឌ​កំបូល​ រងរបួស​ស្រាល​។ ទី២-ឈ្មោះ​ហុល​ លីហេង​ ភេទ​ស្រី អាយុ​១៤ឆ្នំា មុខរបរ​សិស្ស​បច្ចុប្បន្ន​ស្នាក់​នៅ​ភូមិ​កន្ទោក​ខាងជើង​សង្កាត់​កន្ទោក ខណ្ឌ​កំបូល របួស​ធ្ងន់​។ ទី៣-ឈ្មោះ​ វន​ សុជាតា ភេទ​ស្រី អាយុ​១៤ឆ្នំា មុខរបរ​សិស្ស បច្ចុប្បន្ន​ស្នាក់​នៅ​ភូមិ​កន្ទោក​ខាងជើង សង្កាត់​កន្ទោក ខណ្ឌ​កំបូល​ របួស​ស្រាល​  ។ 

    តាមប្រភពនៅកន្លែងកើតហេតុបានឱ្យដឹងថា មុនកើតហេតុ រុឺម៉កម៉ូតូសង់កូរ៉េ ពណ៌ក្រហមដឹកសុទ្ធតែនំកញ្ចប់ បើកដោយបុរសម្នាក់ពីកើតទៅលិច ពេលមកដល់ចំណុចកើតហេតុក៏បត់ឆ្លងផ្លូវ ដើម្បីយកនំដាក់ឱ្យម៉ូយ ស្រាប់តែបុកជាមួយម៉ូតូស្គូពី ពណ៌ក្រហម ជិះដោយក្មេងស្រីសិស្សសាលាចំនួន៣នាក់ពីលិចទៅកើត បណ្តាលឱ្យរុឺម៉កក្រឡាប់ផ្ងារជើង រីឯម៉ូតូខ្ទាតធ្លាក់ចូលប្រឡាយទឹកង របួសក្មេងស្រី៣នាក់ធ្ងន់និងស្រាល។

    ក្រោយកើតហេតុ ក្មេងស្រីទាំង៣នាក់នាំគ្នាដើរទៅគ្លីនិកក្បែរនោះដើម្បីព្យាបាលរបួស ចំណែករុឺម៉កនិងម៉ូតូត្រូវបានសមត្ថកិច្ចយកទៅរក្សាទុក រង់ចាំដោះស្រាយគ្នាជាក្រោយ ៕

ដោយ៖សុខាសែនជ័យ


ចែករំលែក៖