🔥ព័ត៌មានបឋម ៖ អគ្គិភ័យឆេះអគារមួយកន្លែងនៅក្រុងបាវិតមិនទាន់ដឹងមូលហេតុ

ខេត្តស្វាយរៀង៖ យោងតាមលោក អែម សុវណ្ណរិទ្ធ អធិការនគរបាលក្រុងបាវិតបានឱ្យដឹងថា រហូតមកដល់ម៉ោង៨យប់ថ្ងៃទី២ ខែមីនាឆ្នាំ២០២៣ភ្លើងឆេះនៅអគារមួយកន្លែងនៅជាន់ទី៤និងទី៥មិនទាន់រលត់ទាំងស្រុងនៅឡើយ ដោយការឆេះនេះមិនទាន់ដឹងមូលហេតុ។

ហេតុការណ៍នេះបានកើតឡើងកាលពីវេលាម៉ោងប្រមាណ៦ល្ងាចថ្ងៃទី២ខែមីនាឆ្នាំ២០២៣ស្ថិតនៅភូមិបាវិតកណ្ដាល សង្កាត់បាវិត ក្រុងបាវិត។

សូមបញ្ជាក់ថា ក្នុងហេតុការណ៍អគ្ដិភ័យឆេះអគារនេះក៏មានវត្តមាន លោក លឹម សៀងហេង អភិបាលក្រុង លោកអធិការ លោកអភិបាលរងក្រុងចុះមកបញ្ជាផ្ទាល់ដល់សមត្ថកិច្ចទាំងនគរបាលក្រុង កងរាជអាវុធហត្ថក្រុងនិងមានរថយន្តទឹករបស់វៀតណាមមកជួយអន្តរាគមន៍បាញ់ទឹកពន្លត់ខណៈប្រើប្រាស់ទឹកអស់ជាច្រើនរថយន្តផងដែរ ។

ព័ត៌មានលម្អិតនិងជម្រាបជូននៅពេលក្រោយ ៕

ដោយ៖ សុថាន