សារព័ត៌មាន នគរវត្ត តែងតែនាំមុខគេជានិច្ច
របាយការណ៍ Eurostat បានបង្ហាញថា តម្លៃថាមពលបានបន្តធ្លាក់ចុះក្នុងខែកុម្ភៈ ប៉ុន្តែតម្លៃអាហារ និងភេសជ្ជៈបានកើនឡើងដល់ទៅ 15% ដែលជាកំណត់ត្រាថ្មីខ្ពស់ និងលើសពី 14.1% ក្នុងខែមករា។
ការិយាល័យស្ថិតិនៃសហភាពអឺរ៉ុប (Eurostat) នៅថ្ងៃទី ២ ខែមីនាបានប្រកាសទិន្នន័យដែលបង្ហាញថា អតិផរណានៅក្នុងតំបន់ប្រាក់អឺរ៉ូ (Eurozone) ក្នុងខែកុម្ភៈ ឆ្នាំ 2023 បានថយចុះ ប៉ុន្តែក្នុងអត្រាយឺតជាងការរំពឹងទុក ដែលភាគច្រើនដោយសារតែការកើនឡើងយ៉ាងខ្លាំងនៃតម្លៃម្ហូបអាហារ។
អតិផរណានៅក្នុងតំបន់អឺរ៉ូកាលពីខែមុនគឺ 8.5% ធ្លាក់ចុះបន្តិចពី 8.6% នៅក្នុងខែមករា 2023 ។ ទោះជាយ៉ាងណាក៏ដោយ តួលេខខាងលើនៅតែខ្ពស់ជាងការប៉ាន់ប្រមាណ 8.2% ដែលអ្នកវិភាគនៅក្រុមហ៊ុនទិន្នន័យហិរញ្ញវត្ថុ FactSet បានធ្វើពីមុន ក៏ដូចជា 8.3% ដែលវាយតម្លៃដោយព័ត៌មាន Bloomberg ។
ទន្ទឹមនឹងនោះ អតិផរណាស្នូលរបស់តំបន់អឺរ៉ូ (មិនរាប់បញ្ចូលតម្លៃអាហារ និងថាមពលដែលងាយនឹងបង្កជាហេតុ) បានកើនឡើងពី 5.3% ក្នុងខែមករា ដល់កំណត់ត្រាថ្មីនៃ 5.6% កាលពីខែមុន។
របាយការណ៍ Eurostat បង្ហាញថាតម្លៃថាមពលបានបន្តធ្លាក់ចុះក្នុងខែកុម្ភៈពី 18.9% ទៅ 13.7% ។ ទោះជាយ៉ាងណាក៏ដោយ តម្លៃអាហារ និងភេសជ្ជៈបានកើនឡើងរហូតដល់ 15% ដែលជាកំណត់ត្រាថ្មីខ្ពស់ ។
នេះជាលើកដំបូងក្នុងរយៈពេលពីរឆ្នាំដែលតម្លៃម្ហូបអាហារបានកើនឡើងលើសតម្លៃថាមពល។ ប៉ុន្តែអ្នកជំនាញនិយាយថា ពួកគេរំពឹងថាអតិផរណាម្ហូបអាហារនឹងថយចុះរហូតដល់ចុងឆ្នាំ 2023 ។
ក្នុងចំណោមប្រទេសទាំង 20 ដែលប្រើប្រាស់ប្រាក់អឺរ៉ូ លុចហ្សំបួរបានកត់ត្រាអត្រាអតិផរណាទាបបំផុតជាមួយនឹង 4.8% នៅក្នុងខែកុម្ភៈ ឆ្នាំ 2023។ ទោះជាយ៉ាងណាក៏ដោយ រដ្ឋសមាជិកផ្សេងទៀតនៃប្លុកនៅតែទទួលរងនូវសម្ពាធតម្លៃដ៏យូរ៕ ដោយ៖ ធីរីណា
រូបថត ៖ TTXVN
