🔴Breaking news ៖ ក្រសួងសុខាភិបាល បិទមជ្ឈមណ្ឌលកែសម្ផស្ស អឹម២៥ ប៊ីយូធី ដែលធ្វើឱ្យស្ត្រីម្នាក់ស្លាប់ដោយសារកែដើមទ្រូង

ភ្នំពេញ ៖ នៅល្ងាចថ្ងៃទី៤ ខែមីនា ឆ្នាំ២០២៣ ក្រសួងសុខាភិបាលសម្រេច បិទនិងដកហូតលិខិតអនុញ្ញាតឱ្យបើកមជ្ឈមណ្ឌលកែសម្ផស្សឯកជនឈ្មោះ អឹម២៥ ប៊ីយូធី ដែលមានទីតាំងនៅផ្ទះ លេខ៧៣B ផ្លូវលេខ៧០ សង្កាត់ស្រះចក ខណ្ឌដូនពេញ រាជធានីភ្នំពេញ ជារបស់លោកវេជ្ជបណ្ឌិត ភោគ ចន្ធី ។ ក្រសួងសុខាភិបាលនឹងបន្តនីតិវិធីច្បាប់ដែលមានជាធរមានចំពោះបុគ្គលដែលបានប្រព្រឹត្ត រួមជាមួយនឹងអ្នកទទួល ខុសត្រូវ ក៏ដូចជាម្ចាស់មជ្ឈមណ្ឌលកែសម្ផស្ស អឹម២៥ ប៊ីយូធី  ដោយមូលហេតុបុគ្គលិកគ្មានគុណវុឌ្ឍនិងគ្មានជំនាញវិជ្ជាជីវៈសុខាភិបាលដែលបណ្ដាលឱ្យមនុស្សស្លាប់។

ត្រូវទុកជានិរាករណ៍នូវសេចក្ដីសម្រេចលេខ ១៧៩/២២ អបស/មព ចុះថ្ងៃទី០៨ ខែកញ្ញា ឆ្នាំ២០២២ របស់ក្រសួង សុខាភិបាល ។

អគ្គនាយកបច្ចេកទេសសុខាភិបាល ប្រធាននាយកដ្ឋានមន្ទីរពេទ្យ ប្រធានមន្ទីរសុខាភិបាលនៃរដ្ឋបាលរាជធានីភ្នំពេញ និង លោកវេជ្ជបណ្ឌិត ភោគ ចន្ធី មានភារកិច្ចអនុវត្តសេចក្តីសម្រេចនេះ តាមភារកិច្ចរៀងៗខ្លួនឱ្យមានប្រសិទ្ធភាពចាប់ពី ថ្ងៃចុះហត្ថលេខាតទៅ ៕

ដោយ ៖ សិលា