សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ កាលពីវេលាម៉ោង០៧និង៣០នាទី ថ្ងៃទី ០៤ ខែមីនា ឆ្នាំ២០២៣ មានជនជាតិថៃម្នាក់ស្លាប់ នៅក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
បើតាមសមត្តកិច្ចនគរបាលជំនាញស្រុកសាលាក្រៅបានឱ្យដឹងថា ជនជាតិថៃម្នាក់ឈ្មោះ CHONGJA A-TA ភេទប្រុស អាយុ ៤៩ឆ្នាំ មានទីលំនៅបច្ចុប្បន្នរស់នៅក្នុងភូមិ-ឃុំកើតហេតុខាងលើបានគាំងបេះដូងស្លាប់។
តាមប្រភពព័ត៌មានពីក្មួយរបស់សពបានប្រាប់សមត្ថកិច្ចជំនាញថា នៅមុនពេលកើតហេតុសពបានទូរស័ព្ទទៅប្រាប់គាត់ថា គាត់មានអាការៈមិនស្រួលខ្លួនទេក្មួយអើយ សូមក្មួយជូនពូទៅពេទ្យផង។បន្ទាប់មករូបគាត់ជាក្មួយក៏បានយកឡានមកដឹកពូ ហើយពេលមកដល់បានហៅពូឡើងឡាន រួចក៍បើកឡានទៅហៅឈ្មោះ ឡាញ់ ឡៃហេង ភេទស្រី អាយុ៤០ឆ្នាំ ជនជាតិខ្មែរ ដើម្បីឱ្យជូនពួកខ្លួនទៅមន្ទីរពេទ្យបង្អែកខេត្តប៉ៃលិន។ ពេលបើកឡានជូនទៅដល់ពាក់កណ្ដាលផ្លូវស្រាប់តែពូបានស្ងាត់មិននិយាយស្ដី រួចពេលើកឡានជួនពូទៅដល់មន្ទីពេទ្យខាងគ្រូពេទ្យពិនិត្យមើលស្រាប់តែគ្រូពេទ្យបានបញ្ជាក់ថា សពនេះបានស្លាប់មុនពេលជូនមកដល់មន្ទីរពេទ្យបាត់ទៅហើយ។
បន្ទាប់មកសមត្តកិច្ចជំនាញក៏បានមកដល់ធ្វើការពិនិត្យនិងតាមការសន្និដ្ឋានរបស់កម្លាំងជំនាញដែលធ្វើកោសលវិច័យរួមជាមួយលោកគ្រូពេទ្យបានសន្និដ្ឋានថាសពពិតជាស្លាប់ដោយសារគាំងបេះដូងពិតប្រាកដមែន ។ បច្ចុប្បន្ន សពជនជាតិថៃត្រូវបានតម្គល់នៅវត្តប្រាសាទសួគ៌ ហៅវត្តសារវណ្ណដើម្បីរង់ចាំសាច់ញាតិមកទទួលយកទៅប្រទេសថៃវិញ៕
ដោយ៖ស សារ៉េត
