សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជិះម៉ូតូក្នុងល្បឿនលឿនឆ្លងផ្លូវមិនប្រយ័ត្នត្រូវរថយន្តស៊េរីទំនេីបមួយគ្រឿងបុកចំពាក់កណ្ដាលម៉ូតូពេញទំហឹង បណ្ដាលឱ្យបាក់ជេីងស្ដាំអ្នកបើកម៉ូតូខ្ទេច រងរបួសធ្ងន់ធ្ងរ ត្រូវបានរថយន្តសាមុយដឹកយកទៅសង្រ្គោះនៅមន្ទីរពេទ្យភ្លាមៗ។ ហេតុការណ៍នេះបានកេីតឡេីងនៅវេលាម៉ោង៩និង២០នាទីយប់ថ្ងៃទី ៦ ខែ មីនា ឆ្នាំ២០២៣ នៅតាមបណ្ដោយផ្លូវលេខ២៨៧ កែងនឹងផ្លូវលេខ ៦១៤ ត្រង់ចំណុចមុខផ្សារ៧មករា នៅក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ ។
តាមប្រភពព័ត៌មានបានឱ្យដឹងថា នៅមុនពេលកេីតហេតុគេបានឃេីញបុរសម្នាក់ជិះម៉ូតូម៉ាក ហុងដាសេ១២៥ ពណ៌ខ្មៅ ពាក់ស្លាកលេខ ភ្នំពេញ 1FF-6855 បានបោះពួយយ៉ាងលឿនក្នុងទិសដៅពីជេីងទៅត្បូង ខណៈមកដល់ចំណុចកេីតហេតុខាងលេី ត្រង់ផ្លូវបែកជាបួនបានបើកឆ្លងផ្លូវមិនបានប្រយ័ត្ន ត្រូវរថយន្តស៊េរីទំនេីបមួយគ្រឿង ម៉ាក Ford Explorer
ពណ៌ខ្មៅ ពាក់ស្លាកលេខ ភ្នំពេញ 2W-8361 បេីកបរដោយនារីម្នាក់ក្នុង ទិសដៅពីលិចទៅកេីតក្នុងល្បឿនលឿន បានជ្រុលចង្កូតទៅបុកចំពាក់កណ្ដាលម៉ូតូពេញទំហឹងគាបជាប់ម៉ូតូក្រោមរថយន្ត បណ្ដាលឱ្យបុរសអ្នកជិះម៉ូតូបាក់ជេីងស្ដាំខ្ទេច រងរបួសធ្ងន់ធ្ងរត្រូវបានរថយន្តសាមុយដឹកយកទៅសង្រ្គោះនៅមន្ទីរពេទ្យភ្លាមៗ ។
ក្រោយពេលកេីតហេតុ សមត្ថកិច្ចមូលដ្ឋានបានចុះមកដល់ក៏បានទាក់ទងទៅសមត្ថកិច្ចជំនាញឱ្យចុះមកវាស់វែង យករថយន្តនិងម៉ូតូទៅរក្សាទុកនៅ អធិដ្ឋាននគរបាលខណ្ឌទួលគោករង់ចាំដោះស្រាយគ្នាពេលក្រោយ ៕
ដោយ ៖ ភារ៉ា ដង្កោ
